Әһли-Бејт (ә) Хәбәр Аҝентлији

мәнбә : ABNA24
çərşənbə axşamı

20 sentyabr 2022

17:10:16
1306746

Иран вә Франса президентләри ҝөрүшүбләр

Иран вә Франса президентләри БМТ Баш Ассамблејасы сессијасынын кәнарында ҝөрүшүбләр.

БМТ Баш Ассамблејасынын јетмиш једдинҹи сессијасында иштирак етмәк үчүн јүксәк сәвијјәли нүмајәндә һејәтилә Нју-Јоркда сәфәрдә олан Иран Ислам Республикасынын президенти Сејид Ибраһим Рәиси бу ҝүн Франса президенти Еммануел Макронла ҝөрүшүб.

Иран Ислам Республикасынын президенти бундан өнҹә дә Франса президентилә телефон сөһбәтиндә АБШ һөкумәтинин өһдәликләри дәфәләрлә вә биабырчы тәрздә позмасына, һәмчинин нүвә анлашмасына үзв үч Авропа өлкәсинин бу бејнәлхалг анлашчмадакы өһдәликләринә садиг галмамасына ишарә илә демишди ки, Америка јени санксијалар тәтбиг етмәклә өз өһдәликләрини ашкар сурәтдә позубдур.

Һәм Американын, һәм дә авропалыларын нүвә анлашмасындакы өһдәликләринә риајәт етмәли олдугларыны диггәтә чәкән Рәиси вурғуламышды ки, һәр бир мүзакирәдә Иран халгынын һүгуг вә мараглары тәмин едилмәлидир.

Иран президенти һәмчинин СБС информасија каналынын «Алтмыш дәгигә» програмы илә мүсаһибәдә демишди: Јахшы вә әдаләтли разылашмаја наил олмагда ҹиддијик, амма Американын бу анлашмадан чыха билмәјәҹәјинә бир зәманәт мөвҹуд олмалыдыр.

Рәиси һәмин мүсаһибәдә вурғулады ки, америкалылар әһди поздулар.

342/