БМТ Баш Ассамблејасынын 77-ҹи сессијасында иштирак етмәк үчүн јүксәк сәвијјәли нүмајәндә һејәти илә јерли вахтла базар ертәси ҝүнү ҝүнортачағы Нју-Јорка дахил олан Иран Ислам Республикасынын президенти Сејид Ибраһим Рәиси мүхбирләрлә мүсаһибәдә дејиб: Бирләшмиш Милләтләр Тәшкилаты Баш Ассамблејасынын 77-ҹи сессијасында иштирак етмәк үчүн Нју-Јорка сәфәр етмишәм. Бу сәфәрдә тәбии ки, мөвҹуд фүрсәтә әсасән, Иран Ислам Республикасынын нәзәр вә бахышларыны бәјан едәҹәк вә нөгтеји-нәзәләри иштиракчылара вә бу чыхыш вә месажы динләјәҹәк кәсләрә чатдыраҹағам.
Ајәтуллаһ Рәиси әлавә едиб: Бирләшмиш Милләтләр Тәшкилаты һәгигәтән дә Бирләшмиш Милләтләр Тәшкилаты олмалы вә гүдрәтли дөвләтләрин тәшкилаты олмамалыдыр. Биз дә бир сыра бејнәлхалг проблем вә мәсәләләрлә үзләширик вә тәбии ки, бу кими јығынҹагларда онларын барәсиндә бәһс етмәк вә онлара һәлл јоллары тапмаг ардынҹа олмаг олар.
Ајәтуллаһ Рәиси сонра дејиб: Мисал үчүн, санксија мәсәләси бөјүк ҝүҹләрин халглара тәзјиг ҝөстәрмәк үчүн истифадә етдикләри бир васитәдир. Бунун мүгабилиндә диҝәр өлкәләр дә гаршылыглы рәфтар едәҹәкләр. Бу мәсәләнин нәтиҹәси будур ки, сүлһ, асајиш вә тәһлүкәсизлијә гаршы јөнәлиб вә буна ҝөрә, мүәјјән шәкилдә халглар зәрәр вә зијан чәкәҹәкләр.
Иран президенти дејиб: Икинҹи мәсәлә, бу ҝүн дүнјада бир чох дидәрҝинликләрә баис олан террор мәсәләси, террорчу ҹәрәјанлара верилән дәстәкләр, мүһарибә вә ган ахыдылмасы мәсәләсидир. Һамы мүһарибәнин әлејһинәдир, биз дә мүһарибәнин әлејһинәјик. Бу ҹәһәтдән бу мөвзулар арашдырылмалыдлр. Бу, мүзакирә едилмәли олан вә коллектив дүшүнҹә тәләб едән бир мәсәләдир ки, һәлл јолларыны да бәјан етдим.
Ајәтуллаһ Рәиси әлавә едиб: Бүтүн бунлар дүнјада тәквекторлулуғун тәзаһүрләридир, јәни тәквекторлулуғун нәтиҹәси будур вә бу кими мәсәләләр бу ҝүн инсан ҹәмијјәт вә ҹәмијјәтләринә әзаб верирләр.
Иран президенти сонда гејд едиб ки, иншааллаһ, бу кими јығынҹагларда проблемин һәллинә нәзәр салмагла мәсәләләри изләмәк лазымдыр.
342/