Әһли-Бејт (ә) Хәбәр Аҝентлији

мәнбә : ABNA24
çərşənbə axşamı

20 sentyabr 2022

17:06:40
1306739

КТМТ Ермәнистан-Азәрбајҹан сәрһәдиндә јалныз ҝәрҝинлији азалдыр

Коллектив Тәһлүкәсизлик Мүгавиләси Тәшкилаты (КТМТ) миссијасынын групу Ермәнистан-Азәрбајҹан сәрһәдиндә ҝәрҝинлијин азалдылмасы үчүн тәклифләр һазырлајыб.

бу барәдә КТМТ-нин Бирҝә Гәрарҝаһынын мәтбуат хидмәтиндән мәлумат верилиб.

Гејд едилир ки, бу ҝүн Ермәнистанын Мүдафиә Назирлијиндә КТМТ-нин бу өлкәдәки миссијасы групунун ишинин јекунларына даир иҹлас кечирилиб. Група рәһбәрлик едән ҝенерал-полковник Анатоли Сидоров Ермәнистанла Азәрбајҹан арасында сәрһәддә мүәјјән әразиләрдә вәзијјәтин тәһлилинин нәтиҹәләри, әсас нәтиҹәләр вә мүвафиг тәдбирләрә даир тәклифләр һаггында Ермәнистанын мүдафиә назиринә мәлумат вериб.

Билдирилир ки, конструктив фикир мүбадиләси апарылыб. Һазырланан тәклифләр јаранмыш ҝәрҝинлијин азалдылмасына јөнәлиб.

Анатоли Сидоров Ермәнистан - Азәрбајҹан сәрһәддиндәки ҝенишмигјаслы дөјүшләрин ардындан Ермәнистанын тәшкилатдан һәрби јардым истәмәсиндән сонра КТМТ Бирләшмиш Гәрарҝаһынын рәһбәри кими Ермәнистана ҝәлиб.

Ермәниләр КТМТ-ни сәриштәсизликдә вә Азәрбајҹана тутарлы ҹаваб вермәмәкдә иттиһам едирләр.

342/