бәјанатда дејилир: "2022-ҹи ил сентјабрын 12-дән 13-нә кечән ҝеҹә Азәрбајҹан силаһлы гүввәләри иричаплы силаһлардан, артиллеријадан, ракет системләриндән вә пилотсуз учуш апаратларындан истифадә етмәклә Ермәнистан Республикасынын суверен әразисинә ҝенишмигјаслы һүҹума башлајыб.
Һүҹум нәтиҹәсиндә һәлак олан вә иткин дүшәнләрин сајы 207-јә чатыр, онлардан 3-ү мүлки шәхс һәлак олуб, 2 мүлки шәхсин јери мәлум дејил, 293 һәрбчи, 3 мүлки шәхс јараланыб, 20 һәрбчи әсир ҝөтүрүлүб.
Әсир дүшмүш вә ја өлдүрүлмүш ермәни һәрбчиләринин азәрбајҹанлылар тәрәфиндән ишҝәнҹәләрә мәруз галмасы, шикәст едилмәси бәјанатда иддиа олунур.
Бәјанатда сонра гејд олунур ки, Азәрбајҹан силаһлы гүввәләри тәрәфиндән Ҝорус, Сисиан, Капан, Ҹермук, Варденис, Теғ, Ҝеғамасар иҹмалары да дахил олмагла 36 јашајыш мәнтәгәси һәдәфә алыныб, нәтиҹәдә 192 ев, 3 меһманхана, 2 мәктәб, 1 тибб мүәссисәси, 1 зијафәт залы, 4 мал-гара саһәси гисмән вә ја тамамилә дағыдылыб. 7 електрик инфраструктуруна, 5 су инфраструктуруна, 3 газ хәттинә, 1 көрпүјә, 2 маҝистрал јола, 1 күчәјә зијан дәјиб. 2 тәҹили јардым машыны, 4 шәхси автомобил һәдәфә алыныб.
Бәјанатда һәмчнин билдирилир ки, Азәрбајҹан силаһлы гүввәләри бир нечә истигамәтдә Ермәнистан Республикасынын суверен әразисинә дахил олуб вә һазырда ики өлкә арасында һәрби-сијаси вәзијјәт ҝәрҝин олараг галыр.
Ермәнистан Тәһлүкәсизлик Шурасынын бәјанатында әлавә олунур ки, Азәрбајҹанын һәјата кечирдији һәрби әмәлијјатлар реҝионда сүлһүн бәргәрар олмасына, реҝионал коммуникасијаларын ачылмасына, Дағлыг Гарабағ проблеминин һәртәрәфли һәллинә јөнәлмиш сәјләрин дајандырылмасына вә Ермәнистан Республикасынын үзәринә ҝүҹ јолу илә һәлл јолларынын тапшырылмасына јөнәлиб. Бунун гаршысында Ермәнистан Республикасы сүлһүн бәргәрар олмасы вә реҝионал коммуникасијаларын ачылмасы ҝүндәлијини гәбул едәрәк, Азәрбајҹанын һәјата кечирдији тәһдид вә мәҹбуретмә сијасәтини гәбуледилмәз һесаб едир.
Бәјанатын сонунда бу ҹүмләләр јер алыб: "Тәһлүкәсизлик Шурасы бәјан едир ки, Ермәнистан Республикасы өз мүстәгиллијини, суверенлијини вә әрази бүтөвлүјүнү бүтүн мүмкүн васитәләрлә горујаҹаг. Азәрбајҹан гошунлары Ермәнистанын ишғал олунмуш әразиләриндән чыхарылмалыдыр. Биз бејнәлхалг иҹтимаијјәти Ермәнистан Республикасынын суверен әразиләринин ишғалына сон гојмасы вә гошунларын чыхарылмасы үчүн Азәрбајҹана давамлы тәзјиг ҝөстәрмәјә чағырырыг вә ајдын мөвге тутан бүтүн өлкәләри вә тәшкилатлары алгышлајырыг."
342/