Әһли-Бејт (ә) Хәбәр Аҝентлији

мәнбә : ABNA24
çərşənbə axşamı

20 sentyabr 2022

16:57:51
1306732

Краличанын дәфн мәрасиминдә онларла нәфәр һәбс олунуб

Инҝилтәрә полиси билдириб ки, Инҝилтәрә краличасынын дәфн мәрасиминдә алтмыш једди нәфәри һәбс едибдир.

Инҝилтәрә полисинин вердиј билҝијә ҝөрә, бу шәхсләр Вест-Минстер залы вә сарајына јахын бөлҝәләрдә мүхтәлиф сәбәбләрә ҝөрә һәбс олунублар.

Полис һәбсләрин сәбәбләри барәдә тәфәррүата кечмәјиб.

Сон ҝүнләр вәтәндаш тәшкилатлары вә монархија системи илә мүхалиф оланлардан бир групу, полисин монархијаја вә ја крал аиләсинин үзвләринә гаршы чыхдыгларыны ифадә етдикләри, һәтта әлләриндә ағ кағыз вә ја парчалар тутдугларына ҝөрә онлары һәбс етмәсинә кәскин тәрздә етираз едибдир.

Инҝилтәрә полиси башчыларынын билдирдикләринә ҝөрә, краличанын дәфн мәрасиминин тәһлүкәсизлијини тәмин етмәк мәсулијјәти једди миндән чох полис гүввәсинә, һәмчинин гуру, һава вә дәниз гошунларындан үч мин нәфәрә һәвалә олунмушду.

Инҝилтәрә краличасы икинҹи Јелизаветанын дәфн мәрасими сентјабрын 19-да Вест-Минстер килсәсиндә кечирилиб. Икинҹи Јелизавета өлүмүндән он ҝүн сонра Виндзор сарајынын гәбиристанлығында јерләшән крал алтынҹы Ҹорҹун хатирә комплексиндә, өтән ил вәфат етмиш әри- Единбург һерсогу, шаһзадә Филиппин, һәмчинин атасы, анасы вә баҹысынын кәнарында дәфн едилди.

Инҝилтәрә краличасынын өлүмүндән сонра, онун өлүмүнә гәдәр бу өлкәнин вәлиәһди вә монархијанын вариси олмуш бөјүк оғлу 73 јашлы Чарлз халгын вә ја онун нүмајәндәләринин сәсләри, рәјләри вә нәзәрләри олмадан краличанын јерини тутуб, бу өлкәдә ән јүксәк сијаси вәзифә сајылан Инҝилтәрә кралы титулуну алды.

342/