бу барәдә тәрәфләр арасында сәрһәддә атәшкәсә нәзарәт үзрә јаранмыш бирҝә ишчи групунун ҝөрүшүндән сонра билдирилиб. Таҹикистанын Согди вилајәтинин башчысы Раҹаббој Аһмадзода сентјабрын 19-да кечирдији мәтбуат конфрансында дејиб ки, ишчи груп нәглијјатын вә пијадаларын һәрәкәтинин тәмин едилмәси үчүн јолларын ачылмасынын ваҹиблијинә даир разылыға ҝәлибләр. Мәлумата ҝөрә, тәрәфләр атәшкәс режиминә риајәт олунмасынын вә сәрһәдјаны мүнагишәнин нәтиҹәләринин тезликлә арадан галдырылмасынын ваҹиблијини вурғулајыблар. Гејд едәк ки, сентјабрын 16-да Гырғыз Республикасынын Баткен вилајәтинин сәдри Абдукәрим Алибајев вә Таҹикистанын Согди вилајәтинин башчысы Раҹаббој Аһмадзоданын башчылығы алтында ишчи груп јарадылыб. Гырғызыстан-Таҹикистан сәрһәдиндә силаһ тәтбиги илә мүнагишә сентјабрын 14-дә башлајыб вә һәр ики тәрәфдән инсан өлүмү, хәсарәтләрлә нәтиҹәләниб. Тәрәфләр бир-бирини силаһлы тәҹавүздә иттиһам едирләр. Һәр ики өлкәнин Фөвгәладә Һаллар назирликләри мүнагишә зонасындан 136 миндән чох инсанын тәхлијә олундуғуну ачыглајыб. Һазырда Гырғызыстан вә Таҹикистан атәшкәс вә силаһлы гүввәләрин чыхарылмасы илә бағлы разылашмалара әмәл едир. Хатырладаг ки, сон мүнагишә нәтиҹәсиндә Гырғызыстанын 59, Таҹикистанын исә 35 нәфәрин өлдүјү барәдә хәбәр јајылыб.
342/