Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Кәрбәла валиси
мүһәндис "Насиф Ҹасим әл-Хитаби" бу ил, 1444-ҹү Һиҹри Гәмәри илин
(2022) Әрбәин зијарәтинин тарихдә ән бөјүк Әрбәин зијарәти олдуғуну ачыглајыб.
Дүнән, базар ҝүнү, 27 Шәһривар 1401 һиҹри шәмси, (21 Сәфәр 1444 һиҹри гәмәри вә 2022 сентјабырын 18-и) Ирагын дахили ишләр назири Осман Әл-Ганими илә бирҝә мәтбуат конфрансында Кәрбәла валиси вурғулајыб:
“Сағламлыг вә зијарәтчиләрин дашынмасы тәдбирләрини планлашдырмадан һеч бир тәһлүкәсизлик хидмәти уғур газана билмәз.”
Ҹәнаб Хитаби дејиб: “Буилки Әрбәин зијарәтиндә 60 мин көнүллү иштирак едиб вә зијарәтчиләрә хидмәт ҝөстәрибләр.”
Кәрбәла валиси гејд едиб: “Милјонларла зәвварлара ән јахшы хидмәти ҝөстәрмәк үчүн диҝәр әјаләтләрин милли назирлик вә гурумларынын дәстәјинә бахмајараг, вилајәтин хидмәт, тәһлүкәсизлик вә сәһијјә идарәләри бу нәһәнҝ әһали сејли илә гаршылашмаг үчүн бөјүк чәтинликләрлә үзләшмишдиләр.”
Гејд едәк ки, илкин һесабламалара ҝөрә, буилки Әрбәин зијарәтиндә Ираг дахилиндән вә хариҹдән 20 милјон зәвварын Кәрбәланы зијарәт етдији вә зәвварларын сајынын өтән иллә мүгајисәдә үч милјондан чох артдығы билдирилир.
Ираг дөвләтинин, о ҹүмләдән зијарәтҝаһ шәһәрләринин лазыми инфраструктура малик олмамасына бахмајараг; сајларынын ағыласығмаз олан зәвварлары гәбул етмәк вә онлара хидмәт ҝөстәрмәк јалныз Аллаһ Тәаланын изни илә Әһли-Бејтин (ә) иззәти вә бу өлкә халгынын вә мәсул шәхсләринин фәдакарлыглары сајәсиндә тәмин олунур.
Диггәт: Хәбәрдән Истифадә Етдикдә Мәнбәјә Истинад Лазымдыр!