Әһли-Бејт (ә) Хәбәр Аҝентлији

мәнбә : Сәһәр Азәри
şənbə

17 sentyabr 2022

16:14:00
1306073

“ДГР”-нин хариҹи ишләр назири АБШ-да сәфәрдәдир

Америкалы конгресмен Азәрбајҹанын әлејһинә гәтнамә һазырлајыб

Бу арада АБШ конгресинин нүфузлу үзвү Франк Фаллоне Азәрбајҹанын – онун ифадәсилә десәк - сон һүҹумуну писләјән гәтнамә һазырладығыны билдириб.

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Гондарма Дағлыг Гарабағ Республикасынын “хариҹи ишләр назири” Давит Бабајанын АБШ-а ишҝүзар сәфәри башлајыб.

Сентјабрын 16-да Давид Бабајан Ермәнистан Республикасынын Вашингтондакы сәфирлијиндә олуб, сәфирлијин әмәкдашлары илә ҝөрүшүб.

Реҝионал һадисәләр, сепаратчыларын марагларынын АБШ-да тәшвиги илә бағлы мәсәләләр мүзакирә едилиб.

Һәмин ҝүн назир Америка Ермәни Ассамблејасынын иҹрачы директору Брајан Ардуни башда олмагла, гурумун нүмајәндәләри илә ҝөрүшүб.

Ҝөрүшдә гондарма режимин АБШ вә Канададакы даими нүмајәндәси Роберт Аветисјан да иштирак едиб.

Бабајанын конгрес үзвләри вә Дөвләт Департаментинин рәсмиләри илә ҝөрүшү ҝөзләнилир.

Бу арада АБШ конгресинин нүфузлу үзвү Франк Фаллоне Азәрбајҹанын – онун ифадәсилә десәк - сон һүҹумуну писләјән гәтнамә һазырладығыны билдириб.

 “Гәтнамәдә Азәрбајҹана бүтүн јардымларын дәрһал дајандырылмасы тәләб олунур вә Нүмајәндәләр Палатасынын Ермәнистана дәстәји бир даһа тәсдигләнир. Әлијевин агрессијасынын гәбуледилмәз олдуғуна даир ҝүҹлү месаж вермәлијик”,- дејә конгресмен гејд едиб.

 

 

Диггәт: Хәбәрдән Истифадә Етдикдә Мәнбәјә Истинад Лазымдыр!