Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Ислам Ингилабынын
Бөјүк Рәһбәри мөҹүзәли Әрбәин јүрүшүнү Әһли-Бејт Исламы бајрағыны далғаландырмаг
үзрә Аллаһ-Тааланын ирадәсинин нишанәси адландырыблар.
Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн Һүсејн Әрбәини мүнасибәтилә кечирилән тәләбәләрин әзадарлыг мәрасиминдә әлавә едибләр: Мөҹүзәли Әрбәин јүрүшү һадисәси һеч бир бәшәри тәдбир вә сијасәт илә реаллаша билмәз вә бу, Аллаһ-Тааланын әлидир ки, бу әзәмәтли ҹилвә илә, гаршымызда дуран јолун ајдын вә ҝедиләси олдуғуну мүждә верир.
Ҝәнҹләрин пак вә мөмин үрәкләринин илаһи һидајәтин артмасына, һәмчинин дуа вә моизәјә кејфијјәт бәхш етмәјә сәбәб олдуғуну билдирән Һәзрәт Ајәтуллаһулузма Хаменеи вурғулајыблар: Һәзрәт Сејјидүшшүһәданын уҹа бајрағы олан Әрбәин мәрасими, бу ил, тарихдәки һәр бир дөврдәкиндән даһа әзәмәтли кечирилди.
О һәзрәт ҝәнҹләрә Һүсејни һејәтләрә хүсуси ҹидди-ҹәһд ҝөстәрмәји вә ҝәнҹлик дөврүнүн гәдрини билмәји төвсијә едиб вә дејибләр: Һејәтләр һәм Әһли-Бејтин хатирәсини јашатмалыдыр, һәм дә һәгигәтләрин бәјан мәркәзи вә базасы олмалыдырлар.
Һәгигәтләрин гаршыны алан гулдурлар вә бәдхаһларын шөвгдоғуран Әрбәин јүрүшү кими мүһүм һадисәләрә гаршы ардыҹыл сәјләринә тохунан Һәзрәт Ајәтуллаһулузма Хаменеи һамыја өз вәзифәсини билмәји тапшырыб вә белә гејд едибләр: Гуранын ики һәјати вә өлмәз ҹүмләси, јәни һагга вә сәбрә төвсијәси, һәмишәлик вә хүсусән бу ҝүнүмүз үчүн әсаслы бир сәрәнҹамдыр.
О һәзрәт сәбри, өзүнү чыхылмазлыгда ҝөрмәмә, јорулмама вә мүгавимәт мәнасында адландырыб вә һејәт вә Гуран ҝәнҹләринә дејибләр: Һәм өзүнүз һагг јолуну ҝедин, һәм дә сәј ҝөстәрин ки, университет дә дахил олмагла мүхтәлиф мүһитләри илаһи нура гәрг етмәклә башгалары да бу јола истигамәтләнмиш олсунлар.
Мәрасимин әввәлиндә әзадар тәләбәләр Ислам Ингилабынын Бөјүк Рәһбәринин һүзурунда мүгәддәс Кәрбәланын зәвварлары илә бир сәслә «Ләббејк, ја Һүсејн!» нидасы верибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!