Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Һәр ил олдуғу
кими буилки Әрбәин мөвсүмү илә ејни вахтда Ирагын дини, моизә, јардым, сағламлыг,
хидмәт вә тәһлүкәсизлик мәркәзләри вә тәшкилатлары Имам Һүсејнин (әлејһи сәлам)
Әрбәин милјонларҹа зәвварына лазыми хидмәтләри ҝөстәрмәјә чалышырлар.
Үмумдүнја Әһли-Бејт (ә) Ассамблејасына аид јерли мәҹлисләрдән бири олан “Әһли-Бејт (ә) Ираг Ассамблејасы” бу мәркәзләрдәндир ки, һәр ил өлкәнин мүхтәлиф јерләриндә јерли вә хариҹи гонаглара хидмәт етмәк үчүн бир чох фәалијјәтләр һәјата кечирир.
“Ираг Әһли-Бејт (ә) Ассамблејасы”нын рәһбәри буилки фәалијјәтләр һаггында деди: Имам Заманын (ә) бәрәкәти илә бу ил һиҹри 1444-ҹү илин Әрбәин ҝүнләриндә уғур газандыг. Мәдәнијјәт вә хидмәт саһәләриндә зәвварлара хидмәт ҝөстәрмәк уғуруна наил олдуг.
АБНА редаксијасынын мүхбири илә сөһбәт едән һөҹҹәтүл-ислам вәл-мүслимин “Пәһләванзадә Беһбәһани” әлавә едиб: “Бу ил Әһли-Бејт (ә) Ассамблејасынын мокәби “Тариг Ја Һүсејн(Нәҹәфдән Кәрбәлаја ҝедән јүрүш јолу)”нин 833-ҹү сүтунда фәалијјәт ҝөстәрир.
О, дејиб: “Биз Ассамблеја мокәби илә јанашы, “Бејнәлхалг Ашура” мокәбини-(зәвварлара ходмәт ҝөстәрән дајанаҹағы) дә кечирдик.”
Беһбәһани билдириб: “Бу ҝүнә гәдәр бизим ики мокәбимиз минләрлә зәввары гәбул едиб. Онлар бурада бир-ики ҝеҹә галыр, сонра Кәрбәлаја јола дүшүрләр.”
Бу ики мокәбин-(зәвварлара хидмәт ҝөстәрән дајанаҹагларын) зәвварлара тәгдим етдији мәдәни хидмәтләр, “Әрбәин зијарәти китабынын пајланмасы”, “Дини вә мәдәни брошүрләрин пајланмасы”, “Руһаниләрин тәблиғат фәалијјәти”, “Имам Һүсејнин (ә) гијамынын фәлсәфәси, мәгсәд вә нәтиҹәләринин изаһы” вә “Шүбһәләрин ҹавабландырылмасы вә шәриәт мәсәләләри” вә с. дән ибарәтдир.
Ҹәнаб Беһбәһани бу ики јүрүшүн рифаһ хидмәтләриндән бәһс едәрәк дејиб: “Бу ил мүхтәлиф өлкәләрдән милјонларла зәвварын олмасы сәбәбиндән "әсл бөһран" јаранды вә бу,и чмәли суја бөјүк еһтијаҹ иди. Әввәлки илләрдә јүрүшләр сәфәрин 8-10-у арасында фәалијјәтә башласа да, зәвварларын чохлуғу сәбәбиндән бу ил сәфәрин бириндән јүрүшләр фәалијјәтә башлајыб. Она ҝөрә дә ичмәли су проблеми бөјүк бөһрана чеврилди. Бунунла бағлы Ашура Бејнәлхалг Фонду илә әмәкдашлыг чәрчивәсиндә күлли мигдарда габлашдырылмыш санитар су алдыг вә индијәдәк онлардан бир нечә мин картон зәвварлар вә мүхтәлиф јүрүшләр арасында пајладыг.
О, Ассамблејанын ики вә Ашура Тәшкилатынын фәалијјәт ҝөстәрән гуллугчулар һаггында да деијиб:
“Ҹәнаб “Рза Алмаси”нин мәсул олдуғу “Һејәте Зәһрае (с) Теһран”ын јетмишә јахын үзвү бурада иштирак едир вә чәтин шәраитә вә имканларын мәһдудлуғуна бахмајараг, Әрбәин зәвварларына хидмәт ҝөстәрирләр.
Ираг Әһли-Бејт (ә) Ассамблејасынын мүдири “Нидаул Әгса” мокәби илә әмәкдашлыгдан да бәһс едиб вә дејиб:
“Ики мокәбимиз “Кәрбәла Әһли-Бејт Университети”нин мәркәзи бинасынын јанында јерләшир. Бу университет Әрбәин зәвварларыны гаршыламагла јанашы, Имам Һүсејнин (ә) Әрбәин зијарәтиндә Шиә гардашларына хидмәт етмәк үчүн Фәләстин, Ливан вә Суријадан ҝәлмиш мүфти вә сүнни фәалларын иштирак етдији “Әгса чағырыш јүрүшү”нә ев саһиблији едир.
Һөҹҹәтүл Ислам вәл Мүслимин Беһбәһани әлавә етди:
Планлашдырылыр ки, Бејнәлхалг Әһли-Бејт (ә.с) университетин диҝәр фәалијјәтләри илә јанашы 833- ҹү сүтунда јерләшән “Нидаул Әгса” мокәбиндә “Үмумдүнја Әһли-Бејт Ассамблејасы баш катиби Ајәтуллаһ “Рамазани”, Али Шурасынын сәдри Ајәтуллаһ “Әхтәри” вә Ајәтуллаһ “Дурри Нәҹәфабади”нин иштиракы вә ачыгламаларындан истифадә олунсун.
Диггәт: Хәбәрдән Истифадә Етдикдә Мәнбәјә Истинад Лазымдыр!
