Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Үмүмдүнја
Мүсәлманларынын Али Рәһбәринин Ирагдакы нүмајәндәси видеомүраҹиәтиндә өзү вә Имам
Хаменеи ҹәнабларынын адындан Имам Һүсејн (ә) јолунда малларыны бағышлајан ираглы
мокәб саһибләринә миннәтдарлығыны билдириб.
Ајәтуллаһ Сејид Мүҹтәба Һүсејни дејибләр: “Имам Һүсејнин (ә) јолу Ислам үммәтинин бирлијинин символудур. Әрбәин јүрүшүндә мүхтәлиф өлкәләрдән, мәзһәбләрдән вә динләрдән олан инсанлар иштирак едир вә бу ону ҝөстәрир ки, бу јол һамымызы Ислам вә бәшәри бирлијә јөнәлдир.”
О, Әрбәин јүрүшүнү дөврүн мөҹүзәси адландырыб вә әлавә едиб: “Әрбәин јүрүшү ләјагәт, сәхавәт, иззәт вә гардашлыг рәмзидир. Биз өз ҝөзүмүзлә ҝөрүрүк ки, бу јүрүшүн охшары јохдур. Әрбәин јүрүшү Әһли-бејтә (ә) тәсәлли вә јардым васитәсидир вә зәвварлар үчүн мәнәви бәһрәләри олаҹагдыр.”
Ислам Ингилабын Али Рәһбәринин Ирагдакы нүмајәндәси әлавә едиб: “Әрбәин јүрүшү Һәзрәт Зејнәбин (с), Имам Сәҹҹадын (ә) вә Әһли-бејтин (әлејһимус-салам) јолудур. Бунунла да Исламын ләјагәт вә шәрәфини, батилин пучлуғуну вә хаинләрин хәјанәтини һәр кәсә елан етдиләр.”
Ајәтуллаһ Сејид Мүҹтәба Һүсејни Имам Һүсејнин (ә) һәрәкатынын сона чатмадығына, лакин сону олмајан бир јол олдуғуна ишарә едәрәк әлавә етди: “Зејнәб (ә) вә Имам Сәҹҹадын (ә) ордусу кими бизим јолумуз, һәрәкәтимиз вә миссијамыз онларын јолу, һәрәкәти вә миссијасы кими олмалыдыр. Јолумузун Тәвәлли вә Тәбәрри јолу олмасы лазымдыр. Тәбәрри јәни заманәнин тәкәббүрлү гүввәләриндән, језидләриндән хүсуси илә дә мүсәлманлара пислик едән Америкадан безар олуб онлара гаршы чыхмаг демәкдир. Тәвәлли, Аллаһын өвлијаларыны вә “Аллаһдан башга илаһ јохдур вә Муһәммәд Аллаһын Елчисидир!” дејәнләри севмәк демәкдир. Тәвәлли јәни халгын, инсанлығын ләјагәтини бәрпа етмәк истәјәнләри севмәк демәкдир. Она ҝөрә дә бу истигамәтдә һәрәкәтимиз Имам Һүсејн, Һәзрәт Зејнәб вә Имам Зејнул-Абидинин (әлејһимус-салам) һәрәкәтләри илә ејнидир.
Ајәтуллаһ Һүсејни Ашура гијамынын нәтиҹәләри һаггында дејиб: “Имам Сәҹҹад вә Һәзрәт Зејнәб (әлејһимус-салам) дүшмәнин һесабатыны дәјишдирдиләр; Елә бир шәкилдә ки, куфәлиләр бејәтләрини поздугларыны вә Әһли-бејтә (әлејһимус сәлам) хәјанәт етдикләрини анладылар. Буна ҝөрә дә утандылар, пешман олдулар вә ағладылар; Бу сәбәбдән Һәзрәт Зејнәб (сәламуллаһи әлејһ) онлары данлады. Шамда (Дәмәшгдә) да ејни шеј олду; Шам әһли Әһли-бејти (әлејһимус сәлам) танымырдылар вә ҝүман едирдиләр ки, Имам Һүсејнин (әлејһи сәлам) дини јохдур, Имам Әли (әлејһи сәлам) исә намаз гылмыр! Вәзијјәт о һәддә чатды ки, Језид Имам Һүсејн (әлејһи сәлам) үчүн өз сарајында әзадарлыг етмәли олду вә Суријада вәзијјәт дәјишди.”
Үмүмдүнја Мүсәлманларынын Али Рәһбәринин Ирагдакы нүмајәндәси билдирибләр: “Имам Һүсејн (ә) вә онун садиг сәһабәләринин ганы бүтүн дүнјаја вә Ислам өлкәләринә јајылды. Ирагда Әрбәин ҝүнләриндә, Кәрбәла вә Нәҹәф шәһәрләриндә вә үмумијјәтлә гәлбләри Сејјид Шүһәда шөвгү илә аловланан инсанларын олдуғу һәр јердә бир Һүсејни динамик әмәлә ҝәлмишдир.
Сонда Ислам Ингилабынын али рәһбәринин Ирагдакы нүмајәндәси Ираг халгына вә мокәб саһибләринә зәвварлары гаршыладыглары вә онлара хидмәт ҝөстәрдикләри үчүн бир даһа тәшәккүр едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!