Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Кәрбәла валилији
Имам Һүсејнин (ә) Әрбәин ҝүнләри мүнасибәтилә базар ҝүнүндән ҹүмә ахшамы ҝүнүнә
гәдәр тәтил елан едиб.
Бу барәдә Кәрбәла валиси Нәсиф әл-Хәтабинин медиа офиси бәјанат јајараг елан едиб:
“Тәһлүкәсизлик вә хидмәт планларынын һәјата кечирилмәси вә мүгәддәс Кәрбәла әһалисинин Имам Һүсејнин (әлејһис салам) милјонларла зәвварына ев саһиблији етмәләри үчүн јерли шәраитә ујғун олараг гәрар алынды ки, Әрбәин зијарәти заманы шәһәрдә үмуми тәтил елан олунсун."
Бәјанатын давамында дејилир: "Тәтилләр 11 сентјабр, базар ҝүнү башлајараг 15 сентјабр, ҹүмә ахшамына гәдәр Кәрбәла валилији вә бүтүн тәһлүкәсизлик вә хидмәт мүәссисәләри истисна олмагла, давам едәҹәк."
Гејд едәк ки, бу ил Имам Һүсејнин (әлејһи сәлам) Әрбәин мәрасими 17 Сентјабр, шәнбә ҝүнү олаҹаг вә милјонларла јерли вә хариҹи зәввар артыг бу шәһәрә јола дүшүб.
Диггәт: Хәбәрдән Истифадә Етдикдә Мәнбәјә Истинад Лазымдыр!