Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам
Республикасынын Хузистан әјаләтинин әһалиси Әрбәин зәвварларынын Ираг сәрһәдинә
ҝедән јолунда чохсајлы мокәбләр-(зәвварлара хидмәт ҝөстәрән дајанаҹаглар) тәшкил
едибләр ки, бунлардан бири дә Әлван Әбдүл Хан шәһәриндәки Абдуллаһ Рәзинин мокәбидир.
Һөҹҹәтүл-ислам вә әл-мүслимин Рәсул Баһадлы “АБНА” хәбәр аҝентлијинин мүхбиринә вердији мүсаһибәдә ммокәблә бағлы бунлары дејиб: “Бу мокәб Имам Һүсејнин Әрбәин зәвварларынын маршруту үзәриндә, Кәрхә рајонунун “Әлван Әбдүл Хан” һиссәсиндә, Чәззабә сәрһәдиндән 70 км аралыда јерләшир. Мокәбдә Әрбәин зәвварларына үч вәдә јемәк, сәһәр јемәји, наһар вә шам јемәји верилир, ҹамаат намазы гылыныр вә Һәзрәт Сејјид әш-Шүһәданын (әлејһи сәлам) әзадарлыг мәрасими мокәбин диҝәр програмларындандыр.
О, даһа сонра билдириб: “Әлван Әбдүл Хан бөлмәсиндәки мокәбләр Әрбәиндән тәхминән 10 ҝүн әввәл фәалијјәтә башлајыр вә фәалијјәтләрини Әрбәиндән үч ҝүн сонра, зәвварларын Кәрбәла шәһәриндән ҝери гајыдана кими давам етдирир.
Баһадлы гејд едиб: “Абдуллаһ Рази мокәбиндә бәсирәти артыран програмлар, шәриәт мәсәләләринә вә шүбһәләрә ҹаваб вермәк, һәмчинин Һәзрәт Әба Абдуллаһ әл-Һүсејнин (әлејһи сәлам) зијарәтинин әһәмијјәтини вә бу зијарәтин фәзиләтләрини ифадә етмәк кими програмлар да иҹра олунур.”
Диггәт: Хәбәрдән Истифадә Етдикдә Мәнбәјә Истинад Лазымдыр!