Әһли-Бејт (ә) Хәбәр Аҝентлији

мәнбә : ABNA24
cümə axşamı

8 sentyabr 2022

12:04:30
1304700

Ирандан Әрәб Лигасынын бәјанатына ҹаваб

Иран Ислам Республикасы Хариҹи Ишләр Назирлијинин сөзчүсү Әрәб Лигасынын хариҹи ишләр назирләри сәвијјәли иҹласынын Иран барәдәки бәјанатынын маддәләрини писләјиб.

Насир Кәнани дејиб: Бу кими бәјанатларын верилмәси гејд олунан бәзи өлкәләрин Гәрби Асија бөлҝәсинин реаллыгларына ҹаһилликлә јанашдыглары вә реҝион олајларынын ҝедишатындан дүзҝүн анлајышларынын олмадығыны ҝөстәрир.

Кәнани әлавә едиб: Бу өлкәләр чејнәнмиш вә дәјәрсиз иттиһамлары тәкрар етмәк јеринә, сионист режимин зүлм алтында олан Фәләстин халгына гаршы ҹинајәтләри үзәриндә тәмәркүзләшсәјдиләр, јахшы оларды.

Кәнани гејд олунан бәјанатын үч Иран адасы барәдәки иддиаларыны рәдд едиб вә Иранын атдығы бүтүн аддымларын өлкәнин әрази бүтөвлүјүнә һакимијјәтин тәтбиги чәрчивәсиндә олдуғуну билдириб.

Иран Хариҹи Ишләр Назирлијинин сөзчүсү һәмчинин Иран Ислам Республикасы силаһлы гүввәләринин Фарс Көрфәзи бөлҝәсиндә дәнизчилијин тәһлүкәсизлијини горумаг саһәсиндәки баҹарығы вә игтидарына, еләҹә дә һәр һансы дәниз әмин-амансызлығы вә шәр ишләрлә бағлы сајыглығына ишарә вә реҝион тәһлүкәсизлијинин, әҹнәбиләрин мүдахиләләри олмадан, реҝион өлкәләри тәрәфиндән тәмин олунмасына тәкид едибдир.

342/