Әһли-Бејт (ә) Хәбәр Аҝентлији

мәнбә : ABNA24
cümə axşamı

8 sentyabr 2022

12:03:54
1304699

Иранын динҹмәгсәдли нүвә програмы индијәдәк ән чох шәффафлыға малик олуб

Иранын Атом Енержиси Тәшкилатынын сөзчүсү Атом Енержиси үзрә Бејнәлхалг Аҝентлијин һесабатына реаксијада вурғулајыб: Өнҹәки фактарашдырыҹылыг системинин јенидән бәргәрар едилмәси нүвә анлашмасы тәрәфләринин өз өһдәликләринә әмәл етмәләриндән асылыдыр вә Иранын динҹмәгсәдли нүвә програмы индијәдәк ән чох шәффафлыға малик олубдур.

Атом Енержиси үзрә Бејнәлхалг Аҝентлик бу һәфтә директорлар шурасы үзвләринин ихтијарына вердији ики һесабатда Иранын нүвә ишиндә гарант мәсәләләри барәдәки иддиаларыны тәкрарлајыб вә иддиа едибдир ки, Иранын зәнҝинләшдирилмиш уран еһтијатларынын мигдары һал-һазырда нүвә анлашмасында тәјин олунмуш һәддән 19 дәфә чохдур.

Атом Енержиси үзрә Бејнәлхалг Аҝентлијин баш директору Рафаел Гроссинин һесабатына тохунан Иранын Атом Енержиси Тәшкилатынын сөзчүсү Беһруз Камалвәнди дејиб: Аҝентлијин баш директорунун мөвсүм һесабатындакы мәтләбләр өнҹәки әсассыз һалларын тәкрары олуб, сијаси мәгсәдләр ҝүдүр вә хас һәдәфләр истигамәтиндә ибарәләрлә ојнамагдан башга, онун һеч бир јени ҹәһәти јохдур вә Иран нүмајәндәси она фактики вә һүгуги ҹаваблар верәҹәкдир.

Камалвәнди һәмчинин дејиб: Бәзи бејнәлхалг медиалар аҝентлијин баш директорунун гәсдән гаранлыг тәнзим етдији вә гејри-зәрури деталларла долу олан ибарәләрини өз хејирләринә мүсадирә, шәрһ вә тәһриф етмәклә кечмшдә олдуғу кими, бу гаранлыг ҹәһәтләрдән суи-истиадә едибләр. Онлар буну, Иранын нүвә програмынын гејри-сүлһсевәр олдуғуну тәлгин етмәк мәгсәдилә, өз пуч медиа атмосферјаратмалары илә изләјирләр.

Камалвәндинин сөзләринә ҝөрә: Өнҹәки фактарашдырыҹылыг системинин јенидән бәргәрар едилмәси нүвә анлашмасы тәрәфләринин өз өһдәликләринә әмәл етмәләриндән асылыдыр вә онлар өз өһдәликләринә әмәл етмәдикләри вә Ирана гаршы гәддарҹасына санксијаларынын давам етдији бир һалда, Иранын гарантданкәнар нәзарәтләри дә гәбул едәҹәјини Теһрандан ҝөзләмәмәлидирләр.

342/