Әһли-Бејт (ә) Хәбәр Аҝентлији

мәнбә : ABNA24
cümə axşamı

8 sentyabr 2022

12:02:32
1304697

Јени ганунда диггәт чәкән мәгамлар

Милли Мәҹлисин сајтында сијаси партијалар һаггында јени ганун лајиһәси дәрҹ едилиб. Сәнәдә әсасән, дөвләт гејдијјатындан кечән партијаларын азад фәалијјәти тәмин едилир.

јени ганун лајиһәсиндә һансы партијаларын јарадылмасына имкан верилмәјәҹәји мүәјјәнләшиб: Гаршысына конститусија гурулушунун зорла дәјишдирилмәси вә һакимијјәтин әлә кечирилмәси мәгсәди гојан, өлкәнин әрази бүтөвлүјүнү позан, күтләви иғтишашлара, террорчулуға, дини екстремизмә чағырыш едән, ирги, дини, ҹинси, етник ајры-сечкилик вә әдавәти, сағламлыға вә әтраф мүһитә гаршы јөнәлмиш һәрәкәтләри тәблиғ едән партијаларын јарадылмасына јол верилмир.

Дөвләт гејдијјатындан кечмәјән сијаси партијаларын фәалијјәт ҝөстәрмәсинә иҹазә верилмир.

Јени ганун лајиһәсинин диҝәр нормалары исә беләдир: Партија сон 20 ил әрзиндә даими олараг Азәрбајҹанда јашајан ән аз 200 вәтәндаш тәрәфиндән тәсис едилә биләр. Тәсис гурултајында бу вәтәндашлар шәхсән иштирак етмәлидирләр.

Партијанын дөвләт гејдијјатына алынмасы үчүн ән аз 10 мин үзвү олмалыдыр. Партија үзвләринин сијаһысы дөвләт рејестринә дахил едилмәси үчүн тәгдим едилмәлидир. Рејестрә дәјишикликләр илдә ики дәфә - јанварын 15-нә гәдәр вә ијулун 15-нә гәдәр тәгдим едилмәлидир. Партијалар парламент, президент вә бәләдијјә сечкиләриндә ардыҹыл олараг ики дәфә иштирак етмәдији тәгдирдә дөвләт гејдијјатындан мәһрум едилә биләр.

Үзвүн сијаси партијаја ил әрзиндә өдәдији үзвлүк һагларынын јухары һәдди 10000 манатдан артыг ола билмәз. Үзвлүк һаггынын мәбләғиндән артыг өдәнишләр ианә һесаб едилир.

Партијалар дөвләт бүдҹәсиндән дә малијјәләшдириләҹәк.

Ганун гәбул едилдикдән сонра 90 ҝүн әрзиндә партијалар өз сај тәркибини јени нормалара ујғунлашдырмалы, јәни үзв сајыны 10 мин нәфәрә чатдырмалыдыр.

Гејд едәк ки, Азәрбајҹанда һазырда гүввәдә олан ганун 1992-ҹи илдә гәбул едилиб. Бу гануна әсасән, партијанын гејдијјаты үчүн 1 мин үзв кифајәт едир. Ејни заманда, һазырки ганун дөвләт гејдијјатындан кечмәјән партијаларын фәалијјәтини гадаған етмир.

Ганун лајиһәсини дәрҹ едән Милли Мәҹлис онун тәшәббүскарынын һансы орган олдуғуну вә јени ганунун гәбул едилмәси зәрурәтинин сәбәбләрини ачыгламыр.

342/