Әһли-Бејт (ә) Хәбәр Аҝентлији

мәнбә : АБНА Хәбәр Аҝентлији
çərşənbə

6 iyul 2022

16:26:15
1273075

Бакыда режим структурларынын манаполијасындан гырағ тирјәкхана тәшкил едән 9 нәфәр сахланылыб - Фото

Һәјата кечирилән диҝәр әмәлијјат заманы Низами рајону Бәһруз Нуријев күчәсиндә јерләшән мәнзилләрдән бириндә тирјәкхана тәшкил едән даһа 3 нәфәр тутулуб. Һәмин үнвана бахыш заманы күлли мигдарда һероин ашкар едилиб.

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Низами Рајон Полис Идарәсинин Наркотикләрлә Мүбаризә Бөлмәсинин әмәкдашлары тәрәфиндән сон 1 һәфтә әрзиндә кечирилән әмәлијјатлар заманы наркотикләрин ганунсуз дөвријјәси илә мәшғул олан 6 нәфәрдән ибарәт дәстә сахланылыб.

Дахили Ишләр Назирлијинин (ДИН) Мәтбуат хидмәтиндән Тренд-ә верилән мәлумата ҝөрә, онлардан үмумиликдә 2 килограма јахын јүксәк тәсиредиҹи хассәјә малик кокаин, һероин, марихуана, тирјәк, екстази вә метадон һәбләри, еләҹә дә метамфетамин ашкар едилиб. Сахланылан шәхсләр Низами рајону вә пајтахтын диҝәр әразиләриндә наркотик маддәләрин сатышыны һәјата кечирдикләрини билдирибләр.

Һәјата кечирилән диҝәр әмәлијјат заманы Низами рајону Бәһруз Нуријев күчәсиндә јерләшән мәнзилләрдән бириндә тирјәкхана тәшкил едән даһа 3 нәфәр тутулуб. Һәмин үнвана бахыш заманы күлли мигдарда һероин ашкар едилиб. Арашдырма заманы мүәјјән едилиб ки, бу шәхсләр наркотикләрин сатышы илә мәшғул олмагла бәрабәр наркотик васитә истифадәчиләри үчүн тирјәкхана да тәшкил едибләр.

Ашкар едилән бүтүн фактларла әлагәдар Идарәнин Истинтаг Шөбәсиндә ҹинајәт ишләри башланылыб. Низами рајону әразисиндә наркотик васитәләрин ганунсуз дөвријјәси илә мәшғул олан шәхсләрин ифша едилмәси истигамәтиндә әмәлијјатлар давам етдирилир.

 

 

Диггәт: Хәбәрдән Истифадә Етдикдә Мәнбәјә Истинад Лазымдыр!