Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, јәһудиләрин ишғал етдикләри Фәләстинин ҹәнубунда јерләшән Беер Әл-Сәба шәһәриндә фәләстинли бир ҝәнҹ идарә етдији автомобил илә ишғалчы јәһудиләри машынла вуруб вә сојуг силаһла һүҹум едәрәк 4 сионисти мәһв едиб.
Мәлуматы тәсдигләјән сионист режимин Канал 13 телевизијасы билдириб ки, ҝәнҹ фәләстинли әмәлијјатдан сонра Исраил ишғалчылары тәрәфиндән ҝүлләләниб.
Фәләстин халгы бу шәһидлик әмәлијјатындан сонра ишғал алтындакы Фәләстинин күчәләриндә јүрүш едибләр.
ҺӘМАС-ын сөзчүсү Әбдүл Ләтиф әл-Гану әмәлијјаты јүксәк гијмәтләндирәрәк дејиб: “Мүгавимәт, Фәләстин халгынын сионист режимин ҹинајәтләри илә үзләшмәк үчүн динамик вәзијјәтдә олдуғуну ҝөстәрир.”
Шаһаб Хәбәр Аҝентлији Әл-Гану-ја истинадән хәбәр верир ки, сионист ишғалчылара гаршы мүһарибә давам едир вә сионистләр илә гаршыдурма дајанмајаҹаг. Бу әмәлијјат “Гүдс Гылынҹы” әмәлијјатынын нәтиҹәсидир.
Ислами Ҹиһад һәрәкатынын сөзчүсү Тарик Сәлми әмәлијјата реаксија верәрәк вурғулајыб ки, мүгавимәт сионист режиминин ирәлиләјишинин гаршысыны алмаға сәбәб олуб.
Салми бу әмәлијјатын сионист режимин Ән-Нәгаб бөлҝәсиндә төрәтдији ҹинајәтләрә тәбии ҹаваб олдуғуну билдирәрәк дејиб: “Исраил бир даһа анлајаҹаг ки, милләтимиз тәслим олмајаҹаг вә ҹиһад вә мүгавимәт бајрағы јерә енмәјәҹәк.”
Фәләстин Халг Ҹәбһәсинин үзвү Маһмуд әр-Рәс дејиб: "Һарада террорчу сионист мәскунлашма проекти варса, ону дајандырмаг үчүн мүгавимәтдән башга һеч бир јол јохдур".
О вурғулајыб: “Мүгавимәт бүтүн бејнәлхалг ганунларын вә Сәмави динләрин вурғуладығы бир һүгугдур вә террора гаршы тәбии бир һагдыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!