Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Мали Республикасы өлкәнин мәркәзиндәки орду дүшәрҝәсинә олунан террор һүҹуму нәтиҹәсиндә 27 әсҝәринин һәлак олдуғуну ачыглајыб.
Мали Назирлији ачыгламасында дүнән сәһәр Мондоро дүшәрҝәсиндә баш верән һүҹумда 33 һәрбичинин јараландығыны, онлардан 21-нин вәзијјәтинин ағыр олдуғуну, 7-нин исә иткин дүшдүјүнү билдириб.
Мали ордусунун мәлуматына ҝөрә, сәһәр саатларында баш верән һадисәдә 47 һүҹумчу өлдүрүлүб, диҝәр 23 һүҹумчу исә Мали ордусунун террорчуларын базаларында кечиртдији анти-террор һүҹумундан сонра өлдүрүлүб.
Гејд олунан сон һүҹум Мали һәрбчиләринә гаршы сон ајларда һәјата кечирилән ән ганлы һүҹумдур.
Франсалы мәнбәнин билдирдијинә ҝөрә, бир нечә јүз террорчунун Мали ордусунун дүшәрҝәсинә һүҹуму нәтиҹәсиндә 40-50 нәфәр һәлак олуб. Ады ачыгланмајан мәнбәнин сөзләринә ҝөрә, террорчулар һәмчинин бир нечә зиреһли техника да дахил олмагла 21 автомобили гарәт едибләр.
Радио Франҹе Интернатионал-ын мәлуматына ҝөрә, террорчулардан бәзиләри мотосиклет сүрәркән, диҝәрләри исә интиһарчы автомобилләри дашыјырмыш. Мәнбә билдириб ки, Мали силаһлы гүввәләри Франсанын антитеррор гүввәләриндән (Барханеһ) дәстәк истәмәјиб.
Буркина Фасо сәрһәдинин јахынлығында шәргдән шимала доғру јерләшән Мандуро дүшәрҝәси чохсајлы һүҹумларын һәдәфинә чеврилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!