Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, АБШ Ирагдан оғурлуг јолу илә чыхарылмыш ики гијмәтли әсәри јенидән Ирага тәһвил верәҹәк.
INA аҝентлијинин мәлуматына ҝөрә, бу ачыглама илә Ираг Хариҹи Ишләр Назирлијинин сөзчүсү Әһмәд әл-Сәһһаф чыхыш едиб.
О гејд едиб ки, јанварын 20-дә јашы 4 000 илдән чох олан ики артефакт Ираг Республикасынын Лос-Анҹелесдәки Баш Консуллуғуна тәһвил вериләҹәк.
Әс-Сәһһаф гејд едиб ки, биринҹи артефакт гәдим Шумер шәһәри Ура аид михи јазы (михи јазыны ҝил лөвһәҹикләр үзәриндә мыхла јазырдылар.ред) лөвһәсидир, икинҹиси исә Гәдим Бабил дөврүнә аид михи јазынын фрагментидир.
Гејд едәк ки, Миладдан өнҹә ЫЫЫ миниллијин орталарында Шумерләрин истифадә етдикләри јазы михи јазы адланырды. Михи јазыны ҝил лөвһәҹикләр үзәриндә мыхла јазырдылар. Бу лөвһәҹикләри ҝүнәш шүалары алтында гурудурдулар. Ҝил лөвһәҹик үзәриндә јазмаг чәтин иди, она ҝөрә дә уҹу шиш чубугла ҝили басыб онун үстүндә кичик ҹиб шәклиндә ҹызыглар чәкмәјә башладылар.
Гәдим јази нөвләриндән биридир. Вәтәни Шумердир. Михи јазинин мәнбәји идеографик јазы олмушдур. Ерадан әввәл 4-ҹү миниллијин сонундан етибарән шумерлилер мүәјјән анлајышлары билдирмәк үчүн даш вә ја чиј ҝил үзәриндә басма үсулла чәкилмиш михабәнзәр хәтләрин комбинасијалы шәкилләриндән истифадә етмишләр.
Диггәт: Хәбәрдән Истифадә Етдикдә Мәнбәјә Истинад Лазымдыр!