Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Борһан Һешмәти 17 Рәби Гарабағ дискурсунун бәјаны зәрурәти барәдәки бир гејддә јазыб: Ҹүрәтлә демәк олар ки, Гарабағ бөһранынын әввәлиндән бу бөлҝәнин маһијјәти вә талеји, һәмчинин бу бөһранын һәлли тәрзи барәдә гәрара алынан вә отуз илә јахын бир дөврүн кечмәсиндән сонра јериндә галан сабит вә мөһкәм мөвге, мәһз Һәзрәт Ајәтуллаһ Имам Хаменеинин мөвгејидир.
О һәзрәт Гарабағ мүһарибәсинин башландығы елә илк заманда Тәбриз әһалиси үчүн етдикләри чыхышда вурғуладылар: Гарабағ Ислам торпағыдыр вә бу бөлҝәнин ишғалына сон гојулмалыдыр.
Гарабағ мүһарибәсинин башланмасындан отуз илә јахын бир дөврүн кечмәсиндән сонра да Һәзрәт Ајәтуллаһулузма Хаменеи 1442-ҹи һиҹри гәмәри ил Рәбиуләввәл ајынын 17-дә етдикләри чыхышда ишғалын бу бөлҝәдән галдырылмасы, онун Азәрбајҹан Республикасына гајтарылмасы, һәмчинин о һәзрәтин «кәдәрли һадисә» вә «реҝионун тәһлүкәсизлијини һәдәләјән амил» адландырдыглары бу мүһарибәнин битмәси зәрурәтинә тәкид етдиләр.
Гарабағ барәдә белә бир сабит, мөһкәм, дәлилли вә мәнтиги бир мөвгени һеч бир диҝәр мәнбә вә мәркәздән ҝөрмәмишик. Зира Гарабағ бөһраны тарихинин мүәјјән дөврләриндә, һәтта Азәрбајҹан Республикасы белә, сазишин мүхтәлиф нөвләрини әһатә едән һәлл јолларынын гәбул едилмәсинә ја мејл ҝөстәриб, ја да ки, тәслим олубдур. Һәрчәнд сијаси дәлилләрә вә мүхтәлиф амилләрин мүдахиләсинә ҝөрә, һәмин сазишләр һәјата кечмәјибдир.
Һамысы, Дағлыг Гарабағда јашајан ермәниләрин Русија, Америка вә Авропанын һимајәләри илә Азәрбајҹан Республикасындан ајрылмаларыны гәтиләшдирмәк үзрә әзмкарлығына тәкид едән бу бөлҝәдәки сон ајларын һадисәләри Азәрбајҹан Республикасынын бу барәдәки рәсми мөвгејини гаранлыг бир һаләдә гојубдур.
44 ҝүнлүк Гарабағ мүһарибәсинин сонунда Азәрбајҹан Республикасы халгынын гәфләтән Москвадакы ҝеҹә разылашмасындан хәбәрдар олдуғу кими, ҝәләҹәкдә дә Гарабағ барәдә Азәрбајҹан Республикасы халгынын истәји вә тәләбинә әсла ујғун ҝәлмәјән башга сијаси разылашмалар әлдә олуна биләр.
Белә бир шәраитдә, Гарабағ мәсәләси барәдә 17 Рәби адлы дискурсун бәјаны инкаролунмаз бир зәрурәтдир.
Диггәт: Хәбәрдән Истифадә Етдикдә Мәнбәјә Истинад Лазымдыр!