Тәһлил

Исраил вә Ермәнистан режимләрини бирләшдирән ортаг “дәјәрләр”

  • Хәбәрин коду : 745601
  • Мәнбә : ИсламинСеси
Хүласә

Акиф Һејдәрли: “Исраиллә-Ермәнистан арасында бејнәлхалг һүгуг вә нормаларына, гоншу дөвләтләрлә мүнасибәтләринә ҝөрә һеч бир фәрг јохдур”

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ҹәбһәдә сон ҝүнләр јашанан ҝәрҝинлик вә интенсив дөјүшләрин баш вермәси демәк олар ки дүнјанын ҝүндәмини зәбт етди. Ермәнистанын тәхрибатына лајигли ҹаваб верән Азәрбајҹан ордусу дүшмәни тәшвишә салды. Демәк олар ки, дүнјанын әксәр дөвләтләри вә бејнәлхалг тәшкилатлар Азәрбајҹанын һаглы мөвгејини дәстәкләдиләр. Лакин ермәни мәтбуатынын јајдығы мәлуматлара истинадән дејә биләрик ки Азәрбајҹан һакимијјәтинин өзүнә стратежи тәрәфдаш һесаб етдији Исраил ҹәбһәдә баш верән һадисәләрә нәинки мүнасибәт билдирмәди, һәтта дүшмән өлкәјә дәстәк нүмајиш етдирмәкдән белә чәкинмәди. Белә ки, Исраил парламентинин сәдр мүавини Тали Плосковун рәһбәрлик етдији исраилли депутатларын тәмсил олдуғу нүмајәндә һејәти ҹәбһәдә дөјүшләрин ҝетдији вә вәзијјәтин ҝәрҝин олдуғу бир вахтда Јеревандакы гондарма "ермәни сојгырымы" абидәсини зијарәт едәрәк, гаршысында сајғы дурушунда дајаныблар. Нүмајәндә һејәти бундан башга әклилләрилә ермәни милләтинә олан јахынлыгларыны бир даһа сүбут едибләр. Президентин иҹтимаи сијаси мәсәләләр үзрә көмәкчиси Әли Һәсәнов исә Исраилдән стратежи тәрәфдаш кими ҹәбһәдә баш верәнләрә мүнасибәрт билдирмәји хаһиш едиб.

ИсламинСеси Азәрбајҹан һакимијјәтинин стратежи тәрәфдашы кими тәгдим етдији Исраилин бу аддымыны политолог Акиф Һејдәрли илә чөзмәјә чалышыб. Експерт билдириб ки, рәсми Бакы Исраиллә-Азәрбајҹан арасында ҝуја стратежи әмәкдашлығын вә тәрәфдашлығын олдуғуну бәјан едир: “Бу рәсми Бакынын мөвгејидир. Лакин бир аз дәринә ҝедиб бу халгын хисләтинә нүфуз етсәк ҝөрәрик ки, Исраиллә-Ермәнистан арасында бејнәлхалг һүгуг вә нормаларына, гоншу дөвләтләрлә мүнасибәтләринә ҝөрә һеч бир фәрг јохдур. Чүнки һәр икиси ишғалчы режимдир, икиси дә башгасынын торпагларында өзүнүн дөвләтчилијини гуран режимдир, икиси дә гоншу дөвләтләри тәҹавүз вә истила етмәк истәјән режимдир. Бу режимләрин сүлһсевәр халгларла, гоншулуг мүнасибәтләриндә исти мөвге сәрҝиләјән дөвләтләрлә һеч бир стратежи мүттәфиглији ола билмәз. Исраил өзҝә торпагларыны ишғал едиб дөвләт гурдуғу кими, Ермәнистан да бу фәалијјәти давам етдириб. Јәни Азәрбајҹанын әзәли вә әбәди торпагларыны ишғал едәрәк өзүнә дөвләт јарадыб. Буна ҝөрә дә һәр ики режимин охшар ҹәһәтләри чохдур”.

Акиф Һејдәрлинин сөзләринә ҝөрә, Азәрбајҹан мүсәлман өлкәсидир вә Азәрбајҹан-Исраил мүнасибәтләринин, Ермәнистан-Исраил мүнасибәтләриндән фәргләнмәси тәбиидир: “Чүнки Исраил һеч вахт сүлһә тәрәфдар олмајыб. Әксинә өзҝә торпагларыны тәҹавүз етмәк нијјәтини һәр заман ортаја гојуб. Тәәссүф едирәм ки, Азәрбајҹанын бәзи рәсми даирәләри Гарабағда баш верән сон олајлара Исраилдән рәсми мөвге билдирмәсини хаһиш едибләр. Амма ҝөрүнүр бунун ҹавабы о олду ки, Исраил парламентариләри гондарма ермәни сојгырымы абидәсини зијарәт етдиләр. Бу Исраилин Ермәнистаны дәстәкләмәсинин бир сүбуту иди. Исраил бу аддымы илә һәм дә мүнагишәдә Ермәнистаны дәстәкләдијини нүмајиш етдирди. Чүнки һәр икиси христиан дөвләтидир”.


Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

We are all zakzaki
conference-abu-talib
Әсрин Мүгавиләсинә Јох Дејирик!