АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Фу Кун дүнән Москвада кечирилән нүвә силаһларынын йайылмамасы үзрә бейнәлхалг конфрансда Иранын нүвә анлашмасы үзрә 4-ҹү аддымына ишарә едәрәк, дейиб: Һазыркы шәраит Американын нүвә анлашмасындан чыхмасы вә Вашингтонун Ирана гаршы биртәрәфли санксийаларынын ҝери гайытмасыдыр.
Чин хариҹи ишләр назирлийинин силаһлара нәзарәт идарәсинин мүдири сөйләйиб: Иранын өз нүвә анлашмасы өһдәликләрини азалтмаг үзрә аддымлары нүвә силаһларынын йайылмамасы системи үчүн бир тәһдид дейилдир вә Теһран НПТ мүгавиләси гаршысындакы өһдәликләринә садиг галмагда давам едир.
Фу Кун әлавә едиб: Иран дәфәләрлә билдирибдир ки, нүвә анлашмасынын мәзиййәтләриндән бәһрәләнәҹәйи тәгдирдә, бу өһдәликләрин иҹрасына ҝери дөнәҹәкдир.
Иран Ислам Республикасы Американын нүвә анлашмасындан биртәрәфли вә ганунсуз шәкилдә чыхмасындан бир ил вә Авропанын Американын бу һәрәкәтиндән ирәли ҝәлән игтисади нәтиҹәләрин әвәзини чыхмаг үзрә тәклиф йолларынын файдасыз олмасынын сүбут едилмәсиндән сонра 2019-ҹу ил майын 8-дә билдирди ки, нүвә анлашмасынын 26 вә 36-ҹы бәндләринә әсасән, нүвә анлашмасы өһдәликләринин бир һиссәсини дайандырыр.
Иран индийәдәк бу истигамәтдә 4 аддым атыбдыр.
Иран өз нүвә анлашмасы өһдәликләрини азалтмағы давам етдирәҹәйини вурғулайараг, билдирибдир ки, бу аддымлар анлашма тәрәфләринин өз өһдәликләрини йеринә йетирәҹәкләри һалда, сүрәтлә ҝери дөнәҹәкдир.
Нүвә анлашмасынын 26 вә 36-ҹы бәндләринә әсасән, гаршы тәрәфин өз өһдәликләринә садиг галмайаҹаглары һалда, Иранын өз өһдәликләрини там вә йа ҹүзи шәкилдә дайандырмаг һаггы вар.
..........
340
