ӘһлиБейт (әлейһимус-сәлам) - АБНА - Иран президенти Һәсән Руһани бу ҝүн Ислами Шура Мәҹлисиндә тәлим вә тәрбийә, һәмчинин мәдәни ирс, туризм вә әл ишләри сәнайеси үзрә тәклиф олунан назирләрин сәлаһиййәтләринин арашдырылмасы иҹласында “дахили мүгавимәт” вә “фәал дипломатийа”ны Иран дөвләтинин стратеҝийасы адландырыб вә белә әлавә едиб: Ислам Ингилабынын дүшмәнләри билирләр ки, Американын Иран халгына гаршы иҹбари игтисади савашы отуз ил бундан өнҹәки һәрби иҹбари мүһарибә кими нәтиҹәсиз галаҹаг.
Руһани Иранын Американын фитнәси гаршысындакы стратеҝийасынын ингилабчы сәбир вә мүдрик тәдбир стратеҝийасы олдуғуну билдириб. Дейиб ки, Иран Ислам Республикасы бу стратеҝийа илә бейнәлхалг сәһнәдә тәк галмады вә Американы тәҹриддә гойа билди.
Иран Ислам Республикасынын президенти вурғулайыб: Бу ҝүн Америка вә мүттәфигләри тәк галыблар вә Иран халгы өзүнү дүнйа халгларынын вә һәтта дүнйанын бөйүк һөкумәтләринин кәнарында ҝөрүр.
Руһани һәмчинин билдириб ки, бир ил стратежи сәбирдән сонра Иранын нүвә анлашмасы өһдәликләринин азалдылмасы сийасәти башланыбдыр. О, әлавә едиб: Әҝәр Авропа өз нүвә өһдәликләринә әмәл едә билмәзсә, Иран Ислам Республикасы мүтләг өз өһдәликләринин азалдылмасы үзрә үчүнҹү аддымы атаҹагдыр.
.......
340
