Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, "Дүнјадакы мүнагишәләрин әксәријјәти үчүнҹү өлкәләрин һәрби авантүраларынын вә ајры-ајры ојунчуларын реҝионал, бәзән дә глобал орбит ролуну үзәринә ҝөтүрмәк, бејнәлхалг иҹтимаијјәтин диҝәр үзвләринин онун әмрләринә бојун әјмәјә мәҹбур етмәк ҹәһдләринин нәтиҹәсидир".
Буну Русија Тәһлүкәсизлик Шурасынын (ТШ) катиби Николај Патрушев Москва Бејнәлхалг Тәһлүкәсизлик Конфрансынын ачылыш мәрасиминдә дејиб.
Онун сөзләринә ҝөрә, бејнәлхалг иҹтимаијјәтин әсас вәзифәси мүнагишәләрдән вә зоракылыглардан азад дүнја гурмагдыр.
"Бу јалныз бүтүн өлкәләрин бејнәлхалг сазишләрлә үзәринә ҝөтүрдүјү өһдәликләрә виҹданла риајәт етмәси, коллектив башланғыҹларын, илк нөвбәдә БМТ механизмләринин ҝүҹләндирилмәси һалында мүмкүндүр", - Н.Патрушев билдириб.
Диггәт: Хәбәрдән истифадә етдикдә мәнбәјә истинад лазымдыр
