Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәфәр ајынын 28-дә Бөјүк Ислам Пејғәмбәри һәзрәт Мәһәммәд Мустәфа (Аллаһын саламы олсун Она вә пак Әһли бејтинә!) бир гадын тәрәфиндән зәһәрләнәрәк һагг дүнјасына говушмуш. Сонракы илләрдә исә Сәфәр ајынын 28-дә Пејғәмбәрин әзиз нәвәси һәзрәт Имам Һәсән Мүҹтәба (Она салам олсун!) ханымы тәрәфиндән зәһәрләнәрәк шәһадәтә јетмишдир.
Биз АБНА олараг һәр ики Мәсумун шәһадәти илә әлагәдар башда Имам Заман (Аллаһ Тәала онун шәрәфли зүһуруну тезләшдирсин) һәзрәтләри олмагла һагг Наиби Имам Хаменеи ҹәнабларына, Али Тәглид Мәрҹәләринә вә бүтүн мүсәлманлара тәслијјәт әрз едир вә Аллаһ Тәаланын Әзиз Пејғәмбәри (Аллаһын Саламы олсун Она вә Пак Әһли бејтинә) шәһадәтинә аид чох гыса бир мәлуматы диггәтинизә чатдырырыг:
Өлүм Мәләји һәзрәт Әзраилин (әлејһи сәлам) дилиндән: “О заман ки, гапы үзүмә ачылды, ҝөзләри батан ҝүнәш рәнҝиндә иди. Сәнин үчүн бир гәриб идим ки, ҝөрүшмәк шөвгүндә идим. Мәним үчүн кифајәт иди ки, бу дүнјанын гәрибләринә әта етдијин меһрибанлығы мәнә дә едәсән. Бахмајараг ки, Пејғәмбәрин (с) хәстәлијинә ҝөрә бу евә ҝирмәк иҹазәсини мәнә вермәдин вә мән гапы архасында галдым.
Еј Фатимә! Ҝәлмишәм ки, евинин ајдынлыг чырағыны өзүмлә апарым. Анҹаг үрәјим гәминин гаранлыг ҝеҹәсини ҝөрәндә разы олмады. Аһ о әзијјәтдән ки, сәндән сонра Әли (ә) үчүн ҝәләҹәјәм.
Евә дахил олмаг үчүн икинҹи дәфә изн истәјәндә титрәјән әлләринлә гапыны ачдын. Санки сәнә гәриб олан өлүм һисси сорағына ҝәлмишди. Баша дүшдүм ки, мәни таныдын вә нә үчүн ҝәлдијими баша дүшдүн. Истәдим сәнә дејим ки, бахышларын белә өлүмүнү тәхирә сала биләр. Тәгдир олунаны бир-биринә вурар. Анҹаг үрәјини Аллаһын истәдијинә тапшырмысан вә ҝөзүнү мәндән чәкмисән.
Евинә о гәдәр арам вә сакит дахил олдум ки, санки гапы баһар меһи үчүн ачылмышды. Каш ки, вәзифәм Аллаһын мәһбубу илә назәнин ҹисми арасында ајрылыг салмаг олмазды.
Пејғәмбәр (с) һәјатда олан заман Ҹәбрајил (ә) онун јанындан гајыданда ганадлары беһишт ҝүлләриндән дә хош әтирли оларды. Үзү ҹәннәт чыл-чырагларындан даһа нурани оларды. Мән дә һәр дәфә арзу едирдим ки, Пејғәмбәрин (с) ҝүл вүҹудуну ијләјә билим. Ҹамалынын нуруну ҝөрүм.
Бу фүрсәт инди һазыр олмушдур. Инан ки, бир өмүрдүр инсанларын өлүм мәләјијәм. Амма индијә гәдәр һеч бир мүсибәт бу гәдәр үрәјими титрәмәмишди. Пејғәмбәр (с) әввәл сәни (Фатимәни (с.ә)) гуҹаглады вә гулағына бир сирри нәҹва етди вә сонра үзүнү мәнә чевирди. Пејғәмбәрин (с) сәнә дедикләри илк ҝөзләриндә јаш јаратды вә сонра додагларынын гөнчәси ачылан ҝүл кими ҝүлдү. Билирәм ки, Пејғәмбәр (с) ҹан верән заман бу гәрибә ҝүлүшүн ағламаға чевриләҹәкдир.
Фатимәҹан (с.ә)! Өлүм мәләји олан Әзрајил (ә) индијә гәдәр һеч кәсдән руһуну гәбз етмәк үчүн иҹазә алмамышды. Атан Пејғәмбәрдән (с) башга ки, Аллаһын севимли хәлгидир. Үрәјин раһат олсун. Өлүм меһи атанын ҹаныны меһрибанлыгла алаҹагдыр. Бу Илаһи әманәти инҹитмәјәҹәкдир.
Аллаһ еләсин ки, атандан сонра сәнин мәзлумҹасына ҹан вермәјинин заманы һәлә ҝәлиб чатмасын, чүнки атандан сонра ҝүҹүм галмајыбдыр.
Аллаһ сәнә бу мүсибәтә ҝөрә лајигли сәбри инајәт етсин”.
Диггәт: Хәбәрдән истифадә етдикдә мәнбәјә истинад лазымдыр
