Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ислам Ингилабынын Али Лидери, Үмүмдүнја Мүсәлманларынын Рәһбәри Ајәтуллаһул Сејид Әли Һүсејни Хаменеи Ливанда кечирилән 2-ҹи Бејнәлхалг Мүгавимәт Алимләри Конфрансына месаж ҝөндәрибләр.
Имам Хаменеи ҹәнаблары месажында сионист Исраил режими илә мүбаризәдә мәсулијәт дашыјан һәр кәсә мүхтәлиф саһәләрдә дәстәк вермәјә һазыр олдугларыны билдириб.
Ливан Мүгавимәт Алимләри Бирлији рәһбәри Шејх Маһир Һаммуда ҝөндәрдији мәктубунда Ајәтуллаһ Хаменеи ағыр вә унудулмајан Фәләстин мәсулијәтинин бүтүн Ислам дүнјасынын үзәриндә олдуғуну билдириб.
"Һеч шүбһәсиз, елми елиталар, дин үләмасы, сијасәт адамлары вә Ислам өлкәләринин рәсмиләри бу мәсулијәтин бөјүк һиссәсини өз үзәриләриндә дашымагдадырлар. Бу, мүгаддәс вә ҝөзәл нәтиҹәси олаҹаг бир мүҹадиләдир", - дејә али дини лидер билдириб.
Ајәтуллаһ Хаменеи һәмчинин бу мүҹадиләдә әзмкар зәфәрин Аллаһын вәди олдуғуну диггәтә чатдырыб.
Гејд едәк ки, Мүгавимәт Алимләринин 2-ҹи Бејнәлхалг Конфрансы Фәләстин илә әлагәдар олараг нојабрын 1-и вә 2-дә Ливан пајтахты Бејрутда кечирилир. Мүгавимәт Алимләри Бирлијинин рәһбәри Шејх Һаммуд Исраил режиминин гурулмасына сәбәб олан Балфоур сәнәдинин гәбулунун 100-ҹү илдөнүмү илә әлагәдар олараг бу конфрансын кечирилдијини билдириб.
Диггәт: Хәбәрдән истифадә етдикдә мәнбәјә истинад лазымдыр
