Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн "Нардаран 2" иши үзрә мәһкәмә просеси әдаләтси Һаким Мајыл Бајрамовун сәдирлији илә давам едиб.
ИЛк өнҹә өтән просесдә ифадәсини тамамламајан Рамин Әлијев ифадәсинә давам едиб.
Әдаләтсиз Һаким: “Мајыл Бајрамов истинтаг заманы ифадәндә билдиримсән ки, Ағәли Јәһјајев, Зүлфигар Микајлзадә вә с. Нардаран гәсбәсиндә јығынҹаглар кечирмәмисиниз?”
Рамин Әлијев: Истәјирәм бираз әтрафлы данышым
Әдаләтсиз Һаким: Хејир олмаз гыса данышын һә, јох де.
Рамин Әлијев: һөрмәтли һаким башымыза ҝәтирилән бу һадисәләр гыса заманда олмајыб ки, гыса заманда данышым. Имкан верин әһатәли данышым.
Әдаләтсиз Һаким: Сән кечән просеси 2 саат данышдын.Чохуну да диндән данышдын инди јекунлашдыр.
Рамин Әлијев: Һөрмәтли һаким диндар диндән данышар да. Биз диндән данышдығымыза ҝөрә һәбс олунмушуг. Бурда гејри ади нә вар. Биз әтрафлы данышырыг. Биз диндарыг вә диндар кими данышырыг.
Индијә гәдәр 200 јахын адам тутумушдулар. Тутуланлардан индијә галан ҹәми 60 јахын адам вар. Онунда ҹәми 20-си Мүсәлман Бирлијинин үзвүздүр. Мәндән һәмишә сорушурлар Һаҹы Тале ачыг ајдын данышыр нијә вә кимә ҝүвәнир. Мән һәмишә демишәм Һаҹы Тале Аллаһа вә Констутисијаја ҝүвәнир. Икинҹиси биз чөлдә оланда бир мәмур тапыб даныша билмәдик диндарларын проблеминдән. Амма ермәниләрлә данышыглар апарырлар ки, нәдир сүлһ олсун.
Азәрбајҹан талерантдыр Хиристијана, Јәһудиләрә, Исрајылын президенти Нетанјаһу Азәрбајҹаны тәрифләјир дејир ки, Азәрбајҹан толерантдыр. Билирсиниз нијә? Чүнки, Азәрбајҹанда дөвләт сенагог тикир, јаһуди мәктәби тикир. Бизи исә тәрифләјә билмирик чүнки, биздә Мәсҹиди сөкүрләр.
Әдаләтсиз Һаким: Нә данышырсан биздә Мәсҹиди тикирләр, сөкмүрләр.
Рамин Әлијев: Бизләр тутулмамышдан габаг Шәмкир рајонунда Мәсҹиди сөкүрдүләр, Ханым Зәһра Мәсҹидини сөкмәк истәјирләр. Тәк Ҹәлилабадда 200 јахын Мәсҹид вар онун 20-си рәсми гејдијјатдан кечиб галанлары кечмирләр. Сәбәбини һәләдә билмирик. Һиҹаблы ханымлар шәхсијјәт вәсигәсинә һиҹаблы шәкил чәкдирә билмирләр. Толерант өлкәләрдә бу олмур, һеч бир хиристијан өлкәсиндә белә олмајыб. Баҹыларымыз һиҹаблы ҝејиниб мәктәбә ҝетмәјә гојмурдулар.
Әдаләтсиз Һаким: Елә шеј олмајыб.
Рамин Әлијев: Бәс диндарлар нијә тәһсил назирлијинин габағында митинг етди онда?
Әдаләтсиз Һаким :Нијә етдиниз? Гојун ҹамаат өз истәдији кими һиҹаб өртсүн. (!)
Диҝәр иттиһам олунанлар бу суала етираз едир вә дејир, ҹәнаб һаким биз аналарымызын, баҹымызын мәктәбә һиҹаблы ҝетмәси үчүн митинг етдик тәһсил назирлијин габағында етираз олараг.
Рамин Әлијев: Мәни тутмамышдан габаг Ҹәлилабад полис идарәсиндә иҹлас кечирибләр. Орада тапшырыг олуб ки, мәним һаггымда мәлумат јығын. Мән дүкан ишләдирдим. Базара ҝедиб ҝәлирдим. Һамы дејирди ки, ҝет хариҹә. Мән дә һамыја дејирдим ки, мән һеч нә етмәмишәм нијә гачым. Сонра ҝөрдүм дүканымы изләјирләр. Һәмин вахт Фаҹебоокда да пајлашырдылар ки, инсанлары неҹә шәрләјир, шәрәфсизҹәсинә һәбс едирләр она ҝөрә чөлә, базара чыхмадым.
Әдаләтсиз Һаким: Ишин маһијјәти үзрә даныш .
Јердән Наһид Гәһраманов дилләнир: Ишин маһијјәти үзрә данышыр.
Ағәли Јәһјајев: Гојмурсунуз раһат данышсын
Рамин Әлијев фикринә давам едир: Мән евдә намаз гылырдым дуалар едирдим. Һәмин вахтды чох сајда диндарлар вә диҝәр гоһум әгрәбә чох сајлы зәнҝләр едирди. Мән дә тутулаҹағымы билирдим. Зәнҝ едәнләр барәсиндә суаллар вермәмәси үчүн телфонлары ҝөтүрмүрдүм. Бирдә ҝөрдүм тандығым вәзифәли бир адам мәнә зәнҝ етди. Онун телфонуну ҝөтүрдүм. О деди ки, сәнә бир нәфәр зәнҝ едәҹәк онун телфонунун ҝөтүр. Һәмин адам зәнҝ етди деди рәисин мүавин Сәфәр сәнән ҝөрүшәҹәк. Ҝетдим ҝөрүшдүм бөлмәдә мәни јахшы гаршыладылар. Мәнә дедиләр ҝедәк евинизә орада бахыш кечирәк. Евдәкиләрә дејин нә исә етмәсин ајыбдыр сакит ҝириб чыхаг. Мән дә дедим ајыбдыр биздә гадынлар һеч заман киши олан јердә данышмаз. Бујурун ҝедәк.
Евә чатанда атам һәјәтин гапысын ачды. Дедиләр ағсаггал Бакыдан ҝәлмишик. Евинизә бахыш кечирмәјә ҝәлмишик. Атам деди бујурун. Ҝәлдиләр евә бир-бир ҝөзјары евләрә бахырды сонра ҝәлдиләр јатағ отағына ора бахырды, бура бахырды, бир ҝөз исә диҝәр әмәлијјатчыја бахырды. Сонра ҝәлди әмәлијјатчынын олдуғу јерә јахынлашды онун јанында налча вар иди. Налчаларын алтына баханда гунбара дејиб гышгырды. Чөлдән 20 манатлыг үзәдуран ҝәтирди “шаһид” кими. Ода јаландан шаһидлик етди. Сонра ҝәлди дини китабларыма бахмаға. Һәмин вахт дини китабларымын чохсу әрәб- фарс дилиндә олдуғундан елә белә вәрәгләјирди. Бирдән әлини пенҹәјимин ҹибинә салдылар вә дедиләр буда сәндәјмиш?. Бир нечә вәрәглик китабчајды. Евдән чыхырдыг. Атам әмлијјатчылара јахынлашды деди Аллаһ бахыр, Аллаһдан горхун. Бирҹә буну деди. Әмәлијјатчыларын санки, Аллаһ ағлыны башындан алмышды. Мән олсам белә әмәлијјат апармаздым. Мән фаҹебоокдан охумушам ки, тутуланларын демәк олар һамсыны аталары вә гардашлары илә горхудурдулар. Мәндә дә һәмин шеј ејни ҹүр тәкрарланды. Мән бөлмәјә ҝетириләндә дедиләр ки, гунбараны зибилликдән тапмышам вә сонра јаз ки, ҝүја полисә ҝәтирәҹәјдим, ҝүја ишим олду ҝәтирә билмәдим. Мән буну јазмагдан имтина едәндә атамла горхутдулар. Ҝөрдүләр буна да дирәширәм сонра мәни сөјүшлә, дөјмәклә горхутдулар. Мән аиләмин, доғмаларымын сөјүлмәмәси үчүн мәҹбур олдум јаздым. Вәкиллә тәмин олунмадым. Сонрадан вәкил ҝәтирдиләр. О да гол чәкди вә ҝәтирдиләр бакија БМҸМИ -нә. Мүстәнтиг тәрҹүмеји һалымы сорушду, ону да јаздылар. Ондан башка һеч нә сорушмадылар. Сонракы ҝүнләр мәни јенидән чағырдылар отаға. Компјутердән 20-јә јахын јазылы вәрәг чыхардылар. Мәнә дедилыр ки, гол чәк. Мән гол чәкмәјәндә ики нәфәр идманчы оғлан чағырдылар. Гол чәкмәсәм дөјәҹәјдиләр дејә мәҹбур олдум гол чәкдим. Сонра Кәрәмин јанына апардылар, ики саат јарым дөјдүләр. Орда Тале Бағырзадәнин үзүнә дурмағымы истәјирдиләр. Ҝүја мәнә силаһы Тале Бағырзадә вериб, чеврилиш етмәк үчүн. Ики саат јарым дөјдүләр, артыг мән һушуму итирмишдим. Мәни бир тәһәр ајылтдылар. Мәнә дедиләр ки, сәни елә һала саларыг ки, зонда сәнинлә һеч ким отурмаз. Сонра мәнә 3 саат вахт вердиләр. Мән дедим ки, нә едирсиз един мән һеч нәјә разылашмајаҹам. Һөрмәтли һаким биз Мүсәлман Бирлијинин үзвү олдуғумуз үчүн һәбс олунмамышыг, анҹаг бизә Мүсәлман Бирлијиндән суал верирсиз. Бирдә ҝүја Тале Бағырзадә китабча јазыб еле о китабчадан суал верирсиз. Биз вердијиниз суалларла иттиһам олунмуруг. Бу вердијиниз суаллар ону ҝөстәрир ки, мәһкәмәдән әдаләтли гәрар ҝөзләмәк абсуртдур. Биз иттиһам олунуруг ки, дөвләт чеврилишинә ҹәһд маддәси илә. Нијә бир дәфә суал вермирсиниз ки, дөвләт чеврилишинә нијә ҹәһд едирсиз? "Әҝәр етмишиксә". Адәтән һакимијјәти девирмәк үчүн ики сәбәб олур ја тамаһ, ја ислаһат. Бизим тамаһ мәгсәдимиз олмајыб. Бизим мәгсәдимиз ислаһат олуб. Һакимијјәти девирмәклә дејил сивил гајдада ислаһат апармаг иди. Мисал үчүн дәфәләрлә тв-ләрдә, мәхсус да "Хәзәр тв"-дә Шиәлик, Азәрбајҹан халгы тәһгир едилиб. Бунунла бағлы ГМИ-јә дәфәләрлә мәктублар јаздыг, амма һеч бир әһәмијјәт верән олмады. Бу ҹүр ислаһатлы аддымларымыз чох олуб, мән һамсыны десәм мәһкәмәнин вахты чатмаз она ҝөрә јекунлашдырырам.
Әдаләтсиз мәһкәмә фасилә елан еләди. Фасилә әснасында Иса Ленкаранлы данышды:
Һамыны саламлады, Ҹүмә ҝүнү мүнасибәтилә тәбрик етди вә билдирди ки, Нардаран иши әмәлијјаты һөкумәтин сонуну ҝәтирән бир әмәлијјат олду. Бу әмәлијјатда гардашларымыза гаршы вә мәнә гаршы олунан ишҝәнҹәләр вә тәһдидләрлә алынан ифадәләр ифша олунду. Онлар бир тәдбир ҝөрмүшдүләр, амма Аллаһ Гуранда бујурдуғу кими "Тәдбир ҝөрәнләрин ән јахшысы Аллаһды". Неҹә ки, Кәрбәлада језид Имам Һүсејн үчүн етдијини бунлар бизим үчүн етдиләр. Онлар ҝөзләмирдиләр ки, сиз әзизләримиз бизләри просес вахты тәк гојмајаҹагсыз. Истәр Нардаран 1, истәрНардаран2, истәр Нардаран 3-ә һәмишә ҝәлирсиз. Медиа бизи ҝүндәмдә сахлады. Сосиал шәбәкәдә сиз бизим тәблиғатымызы ҝөрдүз. Јерли вә бејнәлхалг һүгуг мүдафиәчиләри бизимлә бағлы бәјанатлар верди. Тәбии ки, биз онларын һәр биринә өз тәшәккүрүмүзү билдиририк. Бунлар һамсы Аллаһын тәдбиринин ән үстүн әламәти иди ки, һөкумәт ифша олунду. Мән бурдан һамыја архајынчылыг вермәк истәјирәм ки, бу Нардаран ишиндә һәбс олунанлар Имамын зүһурунун бир нишанәсидир. Бәзиләри мәним кечән чыхышымы фантазија кими гијмәтләндириб, ејби јох һаггымы онлара һалал едирәм. Амма ҹәмијјәтимизә бөјүк тәсир гојдуғундан да хәбәрим вар. Мәним данышығыма ағыз бүзәнләр вахты илә Һаҹы Талеә дә ағыз бүзүрдүләр. Дејирдиләр ки, Һаҹы Тале Лејла Јунусу нијә дәстәкләјир? Амма Һаҹы Тале бу ҝүнки просесләри ҝөрүрдү, билирди ки, Нардаран ишиндә она ән бөјүк дәстәј верән Лејла Јунус олаҹаг. Мән Тале Бағырзадәни Шејх Баһаијә охшадырам. Неҹә ки, Шејх Баһаи 40-50 ил габағы ҝөрүрдү, Һаҹы Таледә һәмчинин. Сизә бир гиссәни данышмаг истәјирәм Шејх Баһаи өләндә вәсијјәт едир ки, мәни 10 метр дәринә басдырын. Сорушурлар нијә? Дејир вахты чатанда биләрсиз. 50 ил сонра Имам Рза әлејһи сәлам Шәһадәтә јетир, һәмин јери 8метр дәринә газмаг лазым олдуғуну прағраф дејир. Вә һәмин вахты һамы баша дүшдү ки Шејх Баһаи буна ҝөрә 10 метр дәринә басдырылмағыны истәјирмиш. Инди бир чох достлар, рүһаниләр Һаҹы Талеи вә бизләри баша дүшмүр. Бир нечә ил кечәҹәк баша дүшәҹәкләр ки, биз нејнәдик вә нә еләдик.
Фасилә битди.
Елҝүн Ахундов мәһкәмәјә ифадә верир: Һамыны саламлајыр, истинтага вердији ифадәни тәсдигләјир, амма иттиһам олундуғу маддәләри гәбул еләмир. О һәбс олундуғуну белә хатырлајыр. 2015-ҹи ил нојабрын ајынын 30 ахшам вахты евдә идим. Бирдән гапы дөјүлдү. Нә гәдәр сорушдум ҹаваб вердиләр, амма кимлијини демәдиләр. Гапыны ҝөрдүм гырырлар, мәҹбур олдум ачдым. Адымы сорушмадан, өзләрини тәгдим етмәдән голума гандал вуруб апардылар. Онлардан нә гәдәр сорушдум сиз кимсиз? Нәчисиз? Ҹаваб вермирдиләр. Онларын биринин әлиндә силаһ вар иди. Деди чох данышма сәни вурарам. Онлардан бири деди БМҸМИ-нин әмәкдашыјыг. Мәни ҝәтирдиләр Бинәгәди полис идарәсинә. Рәисин јанына чыхартдылар. Ода мәнә һеч нә демәди, сонрада мүстәнтигин јанына чыхартдылар. Сонра мәнә мәлум олду ки, бизим евдә полис мәни тутуб апарандан сонра гејри-гануни ахтарыш олуб. Мәнә мараглыды ки, нијә мән оланда евдә ахтарыш апармадылар? Евдә әманәт пул олуб, өзүмүн дә пулум олуб онларыда ҝөтүрүбләр. Нәһајәт ҝүја ики нәфәр һал шаһиди олуб, амма онлар евдә олмајыб. Бинәгәди рајон мәһкәмәси мәнә 3 ај гәти имкан тәдбири сечмишди. Бир дәфә дә олсун һеч бир истинтаг һәрәкәтләри һәјата кечирмәдиләр. Нә дә мүстәнтиг ҝәлди. Сонра БМҸМИ-нә ҝәтирдиләр. Орада да јени маддәләр әлавә етдиләр. Мән бу ҝүн дә фикирләширәм ки, нијә маддәләрлә һәбс едилмишәм. Мисал үчүн 281-ҹи маддә вар. Орда гејд олунуб ки, дөвләт әлејһинә чыхыш етмәк. Бунунла бағлы һеч бир сүбут јохду. Амма бу маддә илә иттиһам олунурам. 228.4 маддәси силаһ алмаг, силаһ сатмаг, силаһ ҝәздирмәк вә.с бунунла бағлы бир дәнә дә олсун сүбут јохду. 13 ај истинтагым давам етди. Бир дәнә дә олсун сүбут ҝәтирә билмәдиләр.
Нөвбәти мәһкәмә просеси 3март саат 14:00 да олаҹаг.
Диггәт: Хәбәрдәнистифадәетдикдәмәнбәјәистинадлазымдыр
