Әһлибејт (ә) Хәбәр Аҝентлијинин вердији мәлумата ҝөрә- Ираг Көнүллү Халг Ҝүҹләри Мосулу гуртарма әмәлијјатларынын алтынҹы мәрһәләсинин башладығыны ачыглады. Ираг Көнүллү Халг Ҝүҹләри Мосулун гәрбиндә јерләшән Әл-Шәријә кәндинин ҝиришләринә чатдыгларыны вә Ираг Һизбуллаһынын да Әл-Ҹеһеш кәндинин хилас етдијини ифадә етди. Көнүллү Халг Ҝүҹләри командирләриндән олан Ҹавад Әл-Талибави, ишид лидерләрини Телафердән чыхармаға чалышдығыны сөјләди. Ҹавад Әл-Талибави: "Көнүллү Халг Ҝүҹләри тәрәфиндән Телафердәки мүһасирәнин даралмасындан сонра,
Америкалыларын ишид лидерләрини бу мүһасирәдән азад етмәјә чалышдығынысөјләди. Америкалыларын Телафердә олан ишид мәнсубларына тәјјарәләрлә силаһ вә диҝәр јардымлар етдијинә даир, әлимиздә сәнәдләр вә сүбутлар вар. Ираг гүввәләри Мосул Һава Лиманына доғру ирәлиләмәкдәдир.Бу бөлҝәдәки ишид мөвгеләринә һүҹум һазырланмагдадыр. ' Ираг Ордусунун дөјүш тәјјарәләри вә Һашди Шааби Кәшфијјат ваһидләри, Телаферин шимал-гәрбиндә 5 бомба јүклү васитәнин мәһв едилдијини ачыглады. Һашди Шааби Кәшфијјаты ејни заманда ишид лидерләриндән олан Аммар Мустафа Јусифин Телафердә өлдүрүлдүјүнү ифадә етди. Телафер шәһәри 2014-ҹи илдә ишид террор тәшкилаты тәрәфиндән ишғал едилмишдир.
Бу шәһәр Мосулун мәркәзинә 65 километр узаглыгдадыр вә бу шәһәри гуртарма вәзифәси Ираг Көнүллү Халг ҝүҹләринә верилмишдир. Бу шәһәр ИШИД-ин Суријадан Мосула кечид јолудур вә ИШИД-ә јардымлар бу јолдан едилир. Ираг Баш назири Һејдәр Әл-Ибади гуртарма әмәлијјатларынын башладығыны ачыглады. Ираг гүввәләри гуртарма әмәлијјатларына башладыгдан индијә гәдәр бир чох кәнди гуртармышдыр.
Гуртарма әмәлијјатларына һәрби вертолјотлар вә топчу ваһидләрлә бирликдә Ираг Ортаг гүввәләриндән бир чох адам иштирак едир. Нејневаны гуртарма әмәлијјатлары 17 октјабрда башлады вә о ҝүндән индијәгәдәр, орду гүввәләри, федерал полис, Көнүллү Халг Ҝүҹләри вә Пешмерҝедән ибарәт Ираг гүввәләри јүзләрлә квадрат километри вә Нејнәва әјаләтиндә онларла кәнди ишид террористләринин ишғалындан гуртарыб.
Диггәт! Хәбәрдән истифадә етдикдә мәнбәјә истинад лазымдыр
