Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан халгыны тәһгир едән Милли Мәҹлисин депутаты Астан Шаһвердијев сон ачыгламасына ҝөрә, Азәрбајҹан халгындан үзр истәди. БуһагдаМодерн.аз-аданышандепутатсәһвинианладығынывурғулајыб:
“Мән Астан Шаһвердијев, 24 декабр 2016-ҹы илдә “Азадлыг радиосу”на вердијим ачыглама вә мүхтәлиф сајтларда јерләшдирилмиш материалларда ҝөстәрилән мәсәләләрлә бағлы сәһвими баша дүшүрәм. Өлкә дахилиндә, хариҹдә јашајан бүтүн азәрбајҹанлылардан, халгымдан үзр истәјирәм”.
Депутат бунун мәсәлә илә бағлы сонунҹу ачыгламасы олдуғуну билдириб:
“Ики ҝүн әрзиндә өзүмүн, аилә үзвләримин телефонуна чох сајда зәнҝләр, месажлар ҝәлиб. Месажлар о гәдәр чохдур ки, јениләрини гәбул едә билмир. Орада ағыза алынмајаҹаг тәһгирләр јазылыб. Мән мәсәләнин бу јерә гәдәр чатмасына тәәссүф едирәм. Бу мәним мәсәлә илә бағлы сонунҹу ачыгламамдыр. Халгымдан үзр истәјирәм, онларын бөјүклүјүнә сығынырам. Ачыгламаны јалныз Модерн.аз-а верирәм. Башга һеч бир сајта, аҝентлијә ачыглама вермәјәҹәм”.
Гејд едәк ки, декабрын 22-дә Биләсуварда мәскунлашан ҹәбрајыллы мәҹбури көчкүнләр етираз аксијасы кечирибләр. Аксијаја сәбәб 20 мин нәфәрдәк ҹәбрајыллы көчкүнүн јашадығы 11 гәсәбәјә верилән електрик енержисинин тез-тез кәсилмәси олуб. Әразијә ҝәтирилән полис гүввәләри илә вәтәндашлар арасында гаршыдурма баш вериб. Һадисә заманы хәсарәт аланларла јанашы 3 нәфәр мәҹбури көчкүн һәбс олунуб.
Декабрын 24-дә бир груп рәсми Биләсуварда мәскунлашан мәҹбури көчкүнләрлә ҝөрүш олуб. Ҝөрүшә “Азәришыг” АСҸ-нин мүавинләри, Ҹәбрајил рајон иҹра һакимијјәтинин башчысы вә 120 сајлы Ҹәбрајыл-Губадлы сечки даирәсиндән сечилмиш депутат Астан Шаһвердијев гатылыб.
Ҝөрүшдән сонра “Азадлыг” радиосуна мүсаһибәсиндә депутат Астан Шаһвердијев аксијада сахланыланлар һагда, еләҹә дә Русијаја ишләмәјә ҝедән бәзи азәрбајҹанлылар барәдә данышаркән хошаҝәлмәз ифадәләр ишләтмишди.
Диггәт: Хәбәрдән истифадә етдикдә мәнбәјә истинад лазымдыр
