Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын мүдафиә назири Һүсејн Деһган Теһранда кечирилән тәһлүкәсизлик конфрансында 5+1 илә ИИР арасында әлдә олунан нүвә сазишинин АБШ-ын Фарс Көрфәзи әтрафындакы мүттәфигләринин хошуна ҝәлмәдијини билдириб.
“Амма нәзәрә алсаг ки, Трумп һәр шеји долларла өлчүр, инанмырам ки, о, бизим өлкәмизә гаршы сәрт мөвге тутсун” – дејә Иран Ислам Республикасынын Мүдафиә Назири билдириб.
Ҹәнаб Деһган дејиб ки, белә бир јанлыш зәннлә башланмыш һәр һансы мүһарибә Фәләстин торпагларыны ишғал етмиш сионист Исраил режиминин дағылмасы, бүтүн реҝионун алов тутмасы вә дүнја мүһарибәси илә нәтиҹәләнә биләр.
Назирин сөзләринә ҝөрә мүһарибәнин бир нәтиҹәси дә Фарс көрфәзинин ҹәнубундакы “шәһәр-дөвләтләрин” дағылмасы ола биләр, чүнки бу өлкәләрин рәһбәрлији үмумхалг дәстәјинә малик дејилләр.
Хатырладаг ки, Америка Бирләшмиш Штатларында сечки кампанијасы әрзиндә Доналд Трумп Обама администрасијасынын сәјләри илә әлдә олунмуш бу нүвә сазишини Америка үчүн “ән пис разылашма” адландырмышды. О, күтлә гаршысында чыхыш едәркән демишди ки, “бир али баш командан кими бу сазиши ҹырыб парча-парча едәҹәк”.
Диггәт: Хәбәрдән истифадә етдикдә мәнбәјә истинад лазымдыр
