Фуад Мәсум Аjәтуллаһ Систаниjә өз тәшәккүрүнү билдириб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Фуад Мәсум Аjәтуллаһ Систаниjә өз тәшәккүрүнү билдириб
Ираг президенти бу өлкәдә террорчу ИШИД груплашмасынын нүфузунун даjандырылмасында Аjәтуллаһ Систанинин оjнадығы бөjүк ролуна ишарә едәрәк она өз тәшәккүрүнү билдириб.
Фуад Мәсум һәмчинин Иран Сепаһынын Гүдс команданы ҝенерал Сүлеjманинин дә бу истигамәтдәки сәjләринә ҝөрә мәмнунлуг ифадә едиб.
Әл-Мәслә интернет порталы Ираг президентинин бәjанатына истинадла билдириб: Аjәтуллаһ Систанинин вердиjи фитванын ардынҹа террорчу ИШИД-ин Бағдада доғру ирәлиләjишинин гаршысы алынды вә беләликлә Ирагын көнүллү сәфәрбәр гүввәләринин силаһ дашымасы вә jа ИШИД-ә гаршы мүбаризә апарылмасында бөjүк рол оjнады.
Фуад Мәсум хатырладыб: Ираг ордусунун дағылмасы ардынҹа өлкәдә хәлги гүввәләр вә баталjонлар Мосулда вә диҝәр бөлҝәләрдә ИШИД-ин тәһлүкәсини Бағдаддан дәф едә билдиләр.
Ираг президенти еләҹә дә ИШИД-ә гаршы мүбаризәдә Сепаһын Гүдс команданы ҝенерал Гасим Сүлеjманинин бу террорчу груплашмаjа гаршы мүбаризәдәки диггәти ҹәлб едәҹәк ролуна ишарә едәрәк деjиб: Ирагда террорчу ИШИД гүввәләринә гаршы һүҹумларын даjандырылмасында бу иранлы ҝенералын да ролу нәзәрә чарпаҹаг дәрәҹәдә бөjүк олмушдур. Белә ки, Иран дәрһал Ирагын Күрдүстан мәнтәгәсиндә пешмәрҝә гүввәләр вә Ираг ордусуну силаһла тәмин етди.
Диггәт: Хәбәрдән истифадә етдикдә мәнбәjә истинад лазымдыр