Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливанын әл-Әхбар гәзети иддиа едиб ки, Ливан Һизбуллаһ Мугавимәт Тәшкилатынын Баш Катиби, Һөҹҹәтүл Ислам вәл Мүслимин, Сеjjид Һәсән Нәсруллаһ ҹәнаблары, Иран Ислам Республикасынын Хариҹи Ишләр Назирлиjинин Мүавининә Бәһреjн вәһаби режими илә Иран Ислам Республикасы арасындакы әлагәләрин аддиләшдирмә сиjасәтинин jенидән нәзәрдән кечирмәләрини истәjиб.
Өтән һәфтә Иран Ислам Республикасынын Беjрутдакы Сәфирлиjи jахынлығында һәjата кечирилән ганлы террор һадисәсинин деталларыны арашдырмаг, һәмчинин дүнjаларыны дәjишмиш онларла Шәһидин дәфн мәрасиминдә иштирак етмәк мәгсәди илә, Иран Ислам Республикасынын Хариҹи Ишләр Назирлиjинин Мүавини Һүсеjн Әмир Әбдуллаһиjан Ливана сәфәр едиб.
О, сәфәр заманы Ливан Һизбуллаһ Мугавимәт Тәшкилатынын Баш Катиби, Һөҹҹәтүл Ислам вәл Мүслимин Сеjjид Һәсән Нәсруллаһ ҹәнаблары илә ҝөрүш кечирәрәк, мәнтәгәдә баш верән бир сыра мүһүм сиjаси мәсәләләр, хүсуси илә дә Ливан, Суриjа вә Бәһреjн бөһраны һагда фикир мүбадиләләри апармышдыр.
Беjрутда чап олан Ливанын әл-Әхбар гәзети бу һагда jазараг билдириб: “Һөҹҹәтүл Ислам вәл Мүслимин Сеjjид Һәсән Нәсруллаһ, бу ҝөрүшдә шәхси тәшәббүсү илә Иран Ислам Республикасына мүраҹиәт едәрәк, рәсми Теһранын Бәһреjн бөһраны гаршысында даһа да тәдбирли сиjасәт jүрүтмәсини вә һабелә Иран Ислам Республикасынын Мәнамеjә Сәфир ҝөндәрмәмәсини истәмишдир. Чүнки ИИР-ын Мәнамеjә Сәфир ҝөндәрмәси сиjаси атмосферин ҝенишләнмәсидир ки, Али Хәлифә режими бу ҝүнә кими бу ишин мүгабилиндә һеч бир әмәли аддым ирәли атмамышдыр”.
Ҹәнаб Сеjjид Һәсән Нәсруллаһ даһа сонра тәкид едәрәк билдириб: “Иран Ислам Республикасы тәрәфиндән Сәфирин ҝөндәрилмәси, һәмчинин Али Хәлифә режими илә әлагәләрин аддиләшдирилмәси, Бәһреjн Ингилабчыларынын руһиjjәсиндә мәнфи тәсир гоjа биләр”.
Диггәт: Хәбәрдән истифадә етдикдә мәнбәjә истинад лазымдыр
