Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Анар Гасымлынын билдирдиjинә ҝөрә, о, бу ҝүн 11 саjлы Ҹәза Чәкмә Мүәссисәсиндә мүвәккили Азәрбаjҹан Ислам Партиjасынын Лидери Мөвсүм Сәмәдов илә ҝөрүшүб.
Вәкилин сөзләринә ҝөрә АИП лидеринин вәзиjjәти нормалдыр вә сәһһәти илә бағлы һеч бир шикаjәт jохдур. Лакин Мөвсүм Сәмәдов һәбсдә олан АИП функсионери Руфуллаһ Ахундзадәнин вәзиjjәти илә бағлы нараһатчылығыны ифадә едиб.
Анар Гасымлы, даһа сонра Доктор Мөвсүм Сәмәдовун дедикләринә ишарә едәрәк деjиб:“ Мөвсүм Сәмәдов билдирди ки, Руфуллаһ Ахундзадә илә бағлы баш верә биләҹәк һәр һансы һадисәнин мәсулиjjәти Азәрбаjҹан һакимиjjәтинин үзәриндә галаҹаг. Ҝөрүнүр бу һакимиjjәт ҝүнаһсыз хәстә инсанлардан белә әл чәкмәк истәмир”.
Вәкил һәмчинин Мөвсүм Сәмәдова гәзетләрин верилмәси илә бағлы да мүәjjән проблемләр һәлә дә гүввәдә олмасыны билдирәрәк геjд едиб ки, һәр дәфә ҸЧМ-нин рәһбәрлиjинә мүраҹиәт етдикдән сонра бир мүддәт гәзетин верилмәсинә шәраит jарадылыр. Лакин сонрада jенә дә мәһдудиjjәтләр тәтбиг едирләр.
Диггәт: Хәбәрдән истифадә етдикдә мәнбәjә истинад лазымдыр
