Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, 12 Сентjабр, 2013 тарих, Теһран вахты илә сәһәр радәләриндә, Иран Ислам Республикасынын Президенти, Һөҹҹәтүл Ислам вәл Мүслимин, Доктор Һәсән Руһани, Шанхаj Саммитиндә иштирак етмык мәгсәди илә Гыргызыстан Республикасына сәфәр едәҹәк.
Гыргызыстан Республикасында ики ҝүн сәфәрдә олаҹаг Иран Ислам Республикасынын Президентинин, Шанхаj Әмәкдашлыг Тәшкилатына үзв өлкәләрин зирвә ҝөрүшүндә, чыхыш едәҹәjи билдирилир.
Геjд едәк ки, сәфәр чәрчивәсиндә һөрмәтли президентин, бир сыра өлкәләрин башчылары илә хүсуси илә дә Русиjа Федерасиjасынын президенти Владимир Путинлә ҝөрүшәҹәjи ачыгланыб.
Ҝөрүш заманы Јахын Шәгрг мәнтәгәсиндә баш верән һадисәләр о ҹүмләдән дүнjанын ән актуал мәсәләләри һагда фикир мүбадиләси апарылаҹаг.
Билдирәк ки, Шанхаj Әмәкдашлыг Тәшкилаты бир нечә мәгсәдли тәшкилат олараг, сиjаси, игтисади вә тәһлүкәсизлик мәсәләләри һагда лаjиһәләр иҹра едир. Иран Ислам Республикасы бу тәшкилатын иҹласларында мүшаһидәчи кими иштирак едир.
Диггәт: Хәбәрдән истифадә етдикдә мәнбәjә истинад лазымдыр
