Әһли Бејт -АБНА- хәбәр аҝентлијинин вердији хәбәрә әсасән әлијевләр режиминин дахили ишләр назири, ҝенерал-полковник Рамил Усубов бу ҝүн Фәләстин торпагларыны ишғал етмиш сионист режиминин әлијевләр режиминә тәјин олунмуш “сәфири” Рафаел Һарпаз илә ҝөрүшүб.
Р.Усубов дөрд ил әввәл һәмкарынын дәвәти илә ишғалчы сионист режиминә сәфәр етдијини хатырлајараг орада кечирдији ҝөрүшләри, һәр ики режимин дахили ишләр органлары арасында әмәкдашлыг әлагәләринин инкишаф перспективләринин әтрафлы мүзакирә олундуғуну, сионист режиминин “һүгуг-мүһафизә органлары”нын тәҹрүбәсинин дә өјрәнилмәсинин ваҹиб олдуғуну гејд едиб.
Ишғалчы режимин сәфир Рафаел Һарпаз сәмими гәбула вә әтрафлы мәлумата ҝөрә тәшәккүр едиб, дипломатик фәалијјәти илә әлагәдар бир чох өлкәләрдә чалышдығыны, лакин иҹтимаи асајишин, сабитлијин јүксәк сәвијјәдә тәмини бахымындан Азәрбајҹанын бу ҝүн дүнјанын ән тәһлүкәсиз дөвләтләриндән бири олдуғуну нәзәрә чатдырараг, мәмнунлуғуну билдириб.
О, ики өлкә арасында әмәкдашлығын даһа да дәринләшмәси үчүн сәјләрини әсирҝәмәјәҹәјини вурғулајыб.
Диггәт: Хәбәрдән истифадә етдикдә мәнбәјә истинад лазымдыр
