Әһли Бејт -АБНА- хәбәр аҝентлијинин вердији хәбәрә әсасән Түркијә Бөјүк Милләт Мәҹлисиндә Шанлыурфанын Акчакале бөлҝәсиндә баш верән һадисәдән сонра һөкумәтә сәрһәддәнкәнар әмәлијјатларын апарылмасына сәлаһијјәт верән ганун лајиһәсинин мүзакирәси апарылыр.
Мүхалифәт милләт вәкилләри ганун лајиһәсинин мәтниндә үслуб хәтасы олдуғуну иддиа едир. Һәмчинин бәзи милләт вәкилләри иҹласын гапалы апарылмасына етираз едиб.
Ана мүхалифәт партијасы ҸҺП-дән милләт вәкили Муһаррем Инҹе дејиб: "Бизим дејәҹәкләримиз ҝизли дејил. Нијә милләтдән ҝизләдирик буну! Мүзакирәләр халгын гаршысында апарылсын. Һансы АКП-ли милләт вәкилин өвлады мүһарибәјә ҝедәҹәк? Бу доғру дејил. Бу милләтин ушаглары дөјүшә ҝедәҹәк, буну һәр кәс билмәлидир.
Сәрһәд мүәјјән дејил. Сиз бу лајиһә илә дүнја мүһарибәси едә биләрсиниз. “Түрк силаһлы гүввәләринин хариҹи өлкәләрә ҝөндәрилмәси” дејир. 200 өлкә вар, һансы мүәјјән дејил.
Шимали Ирагла әлагәдар лајиһәдә һәр шеј дәгиг иди, бу исә Конститусијанын 92-ҹи маддәсинә зиддир. Лајиһәдә "Сурија силаһлы гүввәтләри тәрәфиндән иҹра едилән" ҹүмләси вар. Сиз ҝүнаһкары тапмысыныз”.
Инҹә, “Гапалы иҹласда ҝизли мәлумат әлдә етмирик” дејәрәк иҹласын ачыг кечирилмәси тәрәфдары олдуғуну билдириб”
Диггәт: Хәбәрдән истифадә етдикдә мәнбәјә истинад лазымдыр
