Әһли Бејт -АБНА- хәбәр аҝентлијинин вердији хәбәрә әсасән бәднам “евровисион” фәсад мусабигәсинин уғурсузлугла Бакыда кечирилмәси бүтүн дүнјаја бәлли олдуғу һалда Азәрбајҹан Милли Мәҹлисинин витсе-спикери Баһар Мурадова АПА-ја вердији "Һеч ким бизимлә тәзјиг дилиндә даныша билмәз" мүсаһибәси илә бәднам “евровисион”ун биабырчы уғурсузлуғуну өртбастыр етмәјә чалышыб.
Лакин бүтүн бу алдадыҹы сәјләрә бахмајараг гардаш Түркијә дөвләтинин КИВ-ләри илҝинҹ мәлумат јајыблар. Белә ки, ТРТ-нин баш директору Ибраһим Шаһин дејиб: “Биз “Еуровисион-2012” маһны мүсабигәсиндә Азәрбајҹан үчүн иштирак етдик”.
И. Шаһинин сөзләринә ҝөрә, “бәзи өлкәләр өз араларында гәрар верир, ондан сонра да биз сечим едирик. Бу һеч дә етик давраныш дејил. Мүсабигә Азәрбајҹанда кечирилмәсәјди вә биз бу ил иштирак етмәсәјдик ҝөрәсән нә олаҹады? Амма Азәрбајҹан биздән инҹимәсин дејә иштирак етдик”.
ТРТ-нин баш директору һәмчинин гејд едиб ки, һәр ил “еуровисион” фәсд мүсабигәси үчүн Таркана мүраҹиәт едирләр. “Бу ил дә тәклиф етдик. Амма о билдирди ки, “әҝәр биринҹилији сығорта едирсинизсә, иштирак едәрәм. Амма икинҹи олсам, бу мәним карјерамы зәдәләјәҹәк””.
P.S: Ҝөрүндүјү кими Тарканын дедији “әҝәр биринҹилији сығорта едирсинизсә, иштирак едәрәм. Амма икинҹи олсам, бу мәним карјерамы зәдәләјәҹәк” ифадәси кимләринсә габагҹадан күлли мигдарда пул верәрәк “еуровисион” фәсд мүсабигәсиндә мәгам кәсб етмәсинин ҝөстәриҹисидир.
Диггәт: Хәбәрдән истифадә етдикдә мәнбәјә истинад лазымдыр
