Әһли Бејт -АБНА- хәбәр аҝентлијинин вердији хәбәрә әсасән “Feedom House”, “Human Rights Watch” вә “Бејнәлхалг Журналистләри Мүдафиә Комитәси” бәднам “еуровисион” фәсад мүсабигәсинин гурбанларына чеврилән Сәһәр ТВ каналынын Бакы Мүхбири Анар Бајрамлы, фоторепортјор Меһман Һүсејнов вә диҝәр фәалларын һәбсинә кәскин реаксија билдирән бәјанат гәбул едибләр.
Feedom House тәшкилатынын бәјанатында бу һәбсләрлә вә тәзјигләрлә бағлы дәрин нараһатлыг ифадә олунур. “Азәрбајҹан һакимијјәти бејнәлхалг бирлик гаршысында ҝөтүрдүјү өһдәликләрә, өлкә ганунвериҹилијинә әмәл етмәли, сөз вә ифадә азадлығына һөрмәтлә јанашмалыдыр”, - тәшкилатын нүмајәндәси Syuzan Kork билдириб.
Бејнәлхалг Журналистләри Мүдафиә Комитәси һакимијјәти Меһман Һүсејнова гаршы ҹинајәт ишини дајандырмаға чағырыб, онун һәбсини инсан һүгугларынын вә мәтбуат азадлығынын боғулмасы кими гијмәтләндириб.
Комитә гејд едиб ки, бәднам “еуровисион” фәсад мүсабигәсиндән сонра һакимијјәт “Демократија наминә оху!” лајиһәсиндә иштирак едәнләрин, вәтәндашларын һүгуг вә азадлыгларынын позулмасыны ифша едәнләрин, бәднам “еуровисион”у бојкота чағыранларын овуна чыхыб.
Президент Администрасијасынын баш идеологу Әли Һәсәновун өзҝәфикирлиләрлә һагг-һесабын чәкилмәсинә даир чағырышындан сонра вәтәндаш ҹәмијјәти фәалларына гаршы һүҹум даһа ҝениш вүсәт алыб.
Human Rights Watch тәшкилаты исә өз бәјанатында гејд едир ки, М.Һүсејновун тәгиб олунмасы “Демократија наминә оху!” кампанијасына вә бәднам “еуровисион”ун тәндиг едилмәсинә, һәмчинин мүхалифәтчиләрә гаршы полис зоракылығы һаггында фотоматериалларын КИВ-дә дәрҹ олунмасына һакимијјәтин ҹавабыдыр.
М.Һүсејновун вә диҝәрләринин барәсиндә ҹинајәт иши, онларын тәгиб олунмасы диҝәр мүхалифәтчиләрә вә фәаллара месаждыр.
Тәшкилат бејнәлхалг тәрәфдашлары, хүсусилә Авропа Јајым Бирлијини Азәрбајҹан һакимијјәтиндән бу биабырчы практикаја, мүхалифәтчиләрә гаршы ҝәләҹәк тәгибләрә сон гојмағы тәләб етмәјә чағырыр.
Диггәт: Хәбәрдән истифадә етдикдә мәнбәјә истинад лазымдыр
