Әһли Бејт -АБНА- хәбәр аҝентлијинин вердији хәбәрә әсасән Наркотик маддәләрин дашынмасында иттиһам едилән Иран вәтәндашларынын Сәудијјә Әрәбистанында едам олунмасы илә әлагәдар, Ислам Республикасы истинтаг апарылмасы үчүн бу өлкәјә консуллуғун вәкилләриндән ибарәт нүмајәндә һејәти ҝөндәрмәк нијјәтиндәдир.
Бу барәдә Теһрандакы етибарлы мәнбә билдириб. О, едам олунмуш шәхсләрә консуллугла әлагә јаратмаг, вәкил вә тәрҹүмәчинин хидмәтиндән истифадә етмәк имканы јарадылмадығыны сөјләјиб.
Фактла әлагәдар Сәудијјә Әрәбистанынын Ислам Республикасындакы мүвәггәти ишләр вәкили Һәсән Зејд Иран ХИН-ә чағырылыб. ХИН-ин Фарс көрфәзи мәсәләләри үзрә департаментинин баш директору Әли-Реза Енајәти Сәудијјә Әрәбистаны тәрәфинин гејри-һуманист һәрәкәти илә бағлы өлкәсинин сәрт етиразыны мүвәггәти ишләр вәкилинә чатдырыб.
Дипломат, Сәудијјә Әрәбистанынын Иран вәтәндашларына сәфирлик вә баш консуллугла әлагә јаратмаг имканы вермәдијинә ҝөрә етираз билдирәрәк, рәсми Әр-Ријады бејнәлхалг разылашмалар вә инсан һүгуглары принсипләринә садиг олмамагда иттиһам едиб.
Бундан башга, Иранын хариҹи ишләр назиринин мүавини Һоссејн Әмир Әбдүлләһјанын Ҹиддәјә планлашдырылан сәфәри ләғв олунуб.
Диггәт: Хәбәрдән истифадә етдикдә мәнбәјә истинад лазымдыр
