Әһли Бејт -АБНА- хәбәр аҝентлији- Ашағыда тәгдим едәҹәјимиз фотошәкилләр 124000 пејғәнбәрләрдән сајылан һәзрәти Һуд вә һәзрәти Салеһ пејғәнбәрләрин мүгәддәс мәзарыдыр.
Һәр ики пејғәнбәрләрин мәргәди Ирагын Нәҹәфи Әшрәф шәһәриндәки дүнјанын ән гәдим мәзарларындан бири сајылан “Вадиус Сәлам” гәбристанлығында јерләшир. Һәр ики пејғәнбәр бир-биринин кәнарында торпаға басдырылмышдыр.
Һәзрәти Һуд һәзрәти Нуһдан (әла нәбијјинә вә алиһи вә әләјһимәс сәлам) сонра ҝөндәрилән илк пејғәмбәр олуб.
Һәзрәти Һуд Ад гөвмүнә ҝөндәрилмиш бир пејғәмбәрдир вә ады Гурани Кәримдә 7 сурәдә 24 дәфә кечир. Вә бир дә ајрыҹа олараг Гуранда “Һуд” сурәси вар.
Һуд гөвмү Туфандан сонра бүтләрә ситајиш едән вә еләҹә дә ахирәти инкар едән илк гөвмдүр. Ад гөвмүнүн 3 бүтү вардыр: Сада, Сәмуда, Һәра.
Сәмуд гөвмү дә (бу гөвмүн пејғәнбәри һәзрәти Салеһ [ә.н.в.а.в.ә.с] олуб) Ад гөвмүнүн вариси олараг анылыр вә онун да гиссәси демәк олар ки, Һуд гөвмүнүн гиссәси илә јанашы зикр едилир.
Ад гөвмүнүн һекајәси ҹәннәти дүнјада ахтаран заваллыларын аҹынаҹаглы һекајәсидир. Гурани Кәримдә Фәҹр сурәси 6-да бу гөвмүн һекајәси бизә данышылыр. 22 јердә Сәмуд гөвмүнүн гиссәси илә бирликдә вә ја арды-ардына зикр олунур. Мүгәддәс Китабда бу ики гиссә һаггында һеч бир мәлумат јохдур.
Мәшһур Ирәм бағларынын саһиби олан бу мөһтәшәм мәдәнијјәтин гуруҹулары олан Ад гөвмү Әһкаф бөлҝәсиндә јашамышдыр. Әрәбистан јармадасынын ҹәнубунда океана паралел олан Рубул-Һали сәһрасынын алтында Һадрамәвт [Өлү јашыл] дејилән вадидә јерләшмишдиләр. Һуд гөвмүнин илаһи әзабдан хилас олан сакинләри даһа сонра һәмин бөлҝәдән узаглашараг јарымаданын шималында, ҝөркәмли гаја шәһәрләринин олдуғу Һиҹр дејилән әразидә мәскунлашмышдылар. Даһа сонралар һәмин гөвмүн сакинләри Сәмуд гөвмү вә ја икинҹи Ад гөвмү кими мәшһурлашмыш, Гурани – Кәримдә дә Сәмуд гөвмү кими зикр едилмишдир.
Сәмуд гөвмүнүн сакинләри Ад гөвмүнүн һәлак олмаг сәбәбини евләринин ҝүвәнли олмамасында ҝөрмүш, тикилән евләрин дағларын әтәјиндә олдуғу үчүн дағылдығы гәнаәтинә ҝәләрәк өз евләрини дағларын башында инша етмишдиләр. Һәмин әразијә Вадил-Гура дејилирди. Онлар илаһи тәгдирин иншаат материалларындан дејил инсанлардан гајнагландығыны дүшүнмәдиләр. Вә сонунда “гаја кими сағлам” мәканларында онлар да һәлак олдулар. Онлардан галан әфсанәләр/хәбәрләр Мәдаини-Салиһ ады илә анылмаға башланылды.
Дејиәнләрә ҝөрә бурада 1700 мағара-шәһәр ојулмушдур. Сәмуд ады аз су мәнасына ҝәлән “сәм” кәлмәсиндән төрәдилмишдир. Бу бир су мәдәнијјәтидир. Ил боју јағмасы ҝөзләнилән јағыш сујуну мүһафизә етмәк мәгсәди илә гајаларда ачылан бәндләрдә сахлајыб истифадә едилән ҝөркәмли бир мәдәнијјәт иди.
Сәмуд гөвмүнүн дә һәлак сәбәбинин көкүндә Аллаһа шәрик гошмалары дајаныр. Бунула белә пејғәмбәрләриндән мөҹүзә олараг тәләб етдикләри бир дәвәни әввәлҹә сусуз бурахыб, сонра әзабла өлдүрмәләри бардағы дашыран сон дамла олду.
Ад гөвмү 7 ҝеҹә 8 ҝүн кәсилмәдән давам едән лејсандан, Сәмуд гөвмү исә ҝүҹлү бир сәсдән һәлак олду.
Диггәт: Хәбәрдән истифадә етдикдә мәнбәјә истинад лазымдыр
