Әһли Бејт -АБНА- хәбәр аҝентлијинин вердији хәбәрә әсасән мартын 27-дә Русија Ислам Комитәсинин сәдри Һејдәр Ҹамалын мәнзилиндә ахтарыш апарылыб. Русија ФТХ-нин 9 әмәкдашы Һејдәр Ҹамалын Русија Ислам Комитәсинин “исламком.орҝ” рәсми сајтында јајымланмыш материала илә әлагәли олмасыны сүбут едән фактлар ахтарыблар.
Тәшкилатын рәсми сајты Һејдәр Ҹамалын зијалы бир шәхсијјәт олмасы вә өз бахышларыны истәнилән мүзакирәләр заманы мүдафиә етмәк габилијјәтинин она пәрәстишкарлар газандырмагла бәрабәр, әлејһдарларынын да чохалмасына сәбәб олдуғуну гејд едир.
Ислам Комитәсинин сајты даһа сонра гәбул етдији мүраҹиәтдә дејир:
“Фәлсәфи јанашма илә екстремист практикантлар арасында бөјүк фәрг мөвҹуддур. Икинҹи илә мүбаризәдә, һүгуг-мүһафизә органларынын иштиракы ваҹиб олдуғу һалда, биринҹи ҹәмијјәтин зијалы тәбәгәси арасында диалог васитәсилә һәлл олунмалыдыр.
Истәнилән радикал чыхыш, мөвҹуд олмаг һүгугуна маликдир. Белә ки, чыхыш етмәклә, гануна зидд һәрәкәт етмәк арасында фәрг вар.
Фикир мүбадиләсини мәһдудлашдырмаг ҹәһдләри екстремист әһвал-руһијјәни даһа да ҝүҹләндирир. ФТХ-нин шүбһәләри әсассыздыр.
Горхутмаг технолоҝијасы ҹәмијјәтдәки ҝәрҝинлији азалтмыр, әксинә, радикал идејаларын јајылмасына шәраит јарадыр.
Биз, ашағыда имза едән шәхсләр, Һејдәр Ҹамал вә диҝәр зијалыларын тәгиб едилмәсинә сон гојулмасыны тәләб едирик. Һеч бир ҹәмијјәт, һеч бир дөвләт фикир ифадәси азадлығыны мәһдудлашдырмамалыдыр.
Бәјанат имза үчүн ачыгдыр. Ыслам Комитәсинин сәдринә дәстәк вермәк нијјәтиндә олан һәр бир кәс, тәшкилатын сајтындакы шәрһләрдә өзүнүн ад вә сојадыны гејд едә биләр”.
Диггәт: Хәбәрдән истифадә етдикдә мәнбәјә истинад лазымдыр
