Әһли Бејт -АБНА- хәбәр аҝентлијинин вердији хәбәрә әсасән һәбсдә олан руһани Фәрамиз Аббасовун оғлу Емин Аббасов һәбс едилиб. Е.Аббасов атасынын ҹинајәт иши үзрә диндирилән шаһид Әлиһүсејн Кәримова тәзјиг ҝөстәрмәкдә, ону дөјүб, хәсарәт јетирмәкдә иттиһам едилир.
ДЕВАММ (Дини Етигад вә Виҹдан Азадлыгларынын Мүдафиә Мәркәзи) бунунла бағлы бәјанат јајыб.
Мәркәзин сәдри Һаҹы Илгар Ибраһимоғлунун јајдығы бәјанатда билдирилир ки, Емин Аббасовун һәбси - Фәрамиз Аббасова гаршы тәзјигләрин давамы кими гијмәтләндирилир: "Бир аиләдән һәм атаны, һәм дә оғулу һәбс етмәк - һеч бир чәрчивәјә сыған мәсәлә дејилдир. Һәтта һипотетик олараг еһтимал етсәк ки, оғул атасынын үзүнә дуран шәхсә гаршы һансыса емосионал етиразлар сәрҝиләјиб - бу, јенә дә ону һәбсә алмаг үчүн кафи шәрт дејил. Бөјүк иҹтимаи тәһлүкә төрәтмәјән әмәлә ҝөрә инсаны һәбсә атмаг, өзү дә атасы әсссыз јерә 11 ил мүддәтинә азадлыгдан мәһрум едилмә ҹәзасына мәруз галдығы бир һалда - белә дурум нә әдаләтин, нә ганунчулуғун, нә дә һуманизмин ибтидаи анламына белә ујғун ҝәлмир. ДЕВАММ олараг Емин Аббасовун да, һәбсдә олан бүтүн илаһијјатчы вә диндарларын да азадлыға бурахылмасы үчүн чағырыш едирик".
Диггәт: Хәбәрдән истифадә етдикдә мәнбәјә истинад лазимдир
