Әһли Бејт -АБНА- хәбәр аҝентлијинин вердији хәбәрә әсасән: Бу ҝүн һәбсдә олан 5 диндарын апелјасија шикајәти үзрә нөвбәти мәһкәмә иҹласы кечирилиб. Азәрбајҹан Республикасынын ҹинајәт мәҹәлләсинин 221.3 вә 315.2 маддәләри илә ганунсуз һәбс едилдијини иддиа едән 5 диндар, Јасамал рајон Мәһкәмәсинин чыхардығы һөкүмдән апелјасија шикајәти версә дә, Бакы Апелјасија Мәһкәмәси онларын шикајәтини тәмин етмәјиб. Гејд едәк ки, Саһибхан Мирзәјевин сәдрлији илә кечән просес, бир чох гәрибәлик вә ганунсузлугларла јадда галыб. Мәһкәмә заманы просесдә дөвләт иттиһамчысы олан Сәлим Сүлејмановун тәгаүдә чыхмасы билдирилиб вә онун әвәзинә јени дөвләт иттиһамчысынын тәјин едилдији ачыгланыб. Чинҝиз адлы јени дөвләт иттиһамчысы исә просеслә 3 ҝүндүр таныш олмасына бахмајараг тәләм-тәләсик чыхыш едәрәк, Елмар Сәмәдов, Елчин Аббасов, Билал Әһмәдов, Сејнур Һүсејнов вә Ағаәли Јәһјајевин һәбсдә галмасыны истәјиб. Бундан сонра һаким Саһибхан Мирзәјев 10 дәгигәлик мүшавирә отағына ҝедиб вә гајыдандан сонра Јасамал рајон Мәһкәмәсинин вердији гәрарын гүввәдә сахланылдығыны елан едиб.
Һакимин чыхышындан сонра мәһкәмәјә етираз едән һәбс олунанларын вәкилләри Мәзаһир Шаһмаров, Фәхрәддин Меһдијев вә Үлви Исмајылов Апелјасија Мәһкәмәсинин биринҹи инстансија мәһкәмәсинин гәрарыны гүввәдә сахламасыны әсассыз адландырыб. "Бу, тамамилә ганунсуз гәрардыр вә әҝәр белә идисә онда нијә Апелјасија мәһкәси кечирилди"-дејә вәкилләрдән бири сөјләјиб.
Мәлумат үчүн билдирәк ки, бу ил август ајынын 3-дә Јасамал Рајон Мәһкәмәсиндә Һаким Елчин Гурбановун сәдрлији илә кечирилән просесдә, Елчин Аббасов вә Сејнур Һүсејнов 4 ил, Елмар Сәмәдов, Ағәли Јәһјајев вә Билал Әһмәдов 4 ил 6 ај мүддәтиндә азадлыгдан мәһрум едилиб.
Хатырладаг ки, Елмар Сәмәдов, Елчин Аббасов, Сејнур Һүсејнов, Ағаәли Јәһјајев вә Билал Әһмәдов февралын 13-дә Мәһәммәд Пејғәмбәрин (с) вәфаты илә әлагәдар Һаҹы Султанәли мәсҹидиндә әзадарлыг кечирәндән сонра Хоҹалы фәҹиәсинин илдөнүмү әрәфәсиндә Шәһидләр Хијабаныны зијарәт етмәк истәркән полис зоракылығы илә үзләшәрәк һәбс олунублар.
Диггәт: Хәбәрдән истифадә етдикдә мәнбәјә истинад лазымдыр
