ФАКТХЕБЕР-ин врдији хәбәрә әсасән : Өтән һәфтә өлкәнин мүхтәлиф бөлҝәләриндән Бакыја ҝәләрәк, Азәрбајҹан Ислам Партијасынын сәдри Мөвсүм Сәмәдовун сахланылдығы мүвәггәти сахлама тәҹридханасынын гаршысында ону ҝөзләјән иҹтимаијјәт нүмајәндәләринин полис тәрәфиндән һәбс олунмасы барәдә сизләрә мәлумат вермишдик. Һадисә заманы полис тәрәфиндән һәбс олунанлардан 5 нәфәри Бинәгәди рајон Мәһкәмәсинин гәрары илә 10 ҝүн мүддәтиндә азадлыгдан мәһрум едилмишди.
Инзибати Хәталар Мәҹәлләсинин 310.1 маддәсилә 10 ҝүн мүддәтиндә азадлыгдан мәһрум едилән 4 нәфәр шәхс дүнән Бинәгди рајону мүвәггәти сахлама мәнтәгәсиндән азадлыға бурахылыб.
Гејд едәк ки, 10 ҝүн мүддәтиндә һәбсдә олан Ҹәбијев Азәр Ариф оғлунун азадлыға бурахылмасы лазым олдуғу тәгдирдә, ону Бинәгәди рајон Мәһкәмәсиндән бирбаша Ҝәнҹә шәһәр полис идарәсинә апарыблар.
Азәр Ҹәбијев һеч бир гануни әсас олмадан Ҝәнҹә шәһәр Полис Идарәсинин Низами рајон шөбәсиндә 5-6 саат мүддәтиндә сахланылыб. О, Полис Идарәсиндә сахланылан заман, Ҝәнҹә шәһәри Низами рајон полис шөбәсинин рәиси Ағаһүсејн Мәммәдовун тәһгир вә тәзјигләри илә үзләшиб. Даһа сонра Азәр Ҹәбијеви Ҝәнҹә шәһәр Баш Полис Идарәсинин рәиси Расим Мусабәјовун јанына апарыблар. Шәһәрин Баш Полис идарәсинин рәиси илә ҝөрүшдән сонра Ҹәбијев Азәр Ариф оғлуна Ҝәнҹә шәһәрини тәрк етмәк үчүн 3 саат вахт верилиб. Ҝәнҹә шәһәрини тәрк етмәјәҹәји тәгдирдә ону һәбс етмәклә тәһдид едән шәһәр полис рәиси, бу јолла Азәрбајҹанда јенидән 1937-ҹи илин репресија далғасыны әсдирмәјә башлајыб.
