Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Пакистанын Хариҹи Ишләр Назирлијинин сөзчүсү өлкәсинин Иран Ислам Республикасы илә икитәрәфли әлагәләрин әһәмијјәтинә ишарә едәрәк билдириб: Биз һал һазыркы вәзијјәти јахындан изләјирик вә инанырыг ки, сон заманлар баш верән һадисәләр вә игтисади чәтинликләр хариҹи санксијалардан гајнагланыр. Иранын гүдрәтли халгы вә мүдрик рәһбәрлији бу чәтинликләрә галиб ҝәләҹәкләр.
Таһир Һүсејн Әндраби бу ҝүн Исламабадда кечирилән һәфтәлик мәтбуат конфрансында, сон ҝүнләрдә Иранда баш верәнләр вә АБШ президентинин мәсулијјәтсиз данышыглары һагда суалы ҹавабландырараг дејиб: Исламабад гоншу өлкәдә баш верәнләри јахындан изләјир.
О, әлавә едиб: Иран Ислам Республикасы мүһүм гоншумуз вә дүнјада бөјүк тәсир ҝүҹүнә малик олан бир өлкәдир ки, кечмишдә дә белә һадисәләр гаршысында гүдрәтлә дајанмағы баҹарыб.
Пакистанын хариҹи ишләр назирлијинин сөзчүсү вурғулајыб: Пакистан һава мәканындан гоншу өлкәләрә гаршы истифадә етмәјә иҹазә вермәјәҹәк.
Sizin rəyiniz