Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Русија президенти, Иран Ислам Республикасынын президенти илә телефон данышығында, 12 јанварда Иран халгынын мөһтәшәм јүрүшүнә ишарә едәрәк дејиб: Иран халгынын милјонлуг јүрүшү, систем, Рәһбәрлик вә өз һөкумәтләриндән һимајәт ҝөстәриҹиси иди.
Русија президенти Владимир Путин, Др. Пезешканла телефон данышығындан шад олдуғуну вә Иран Рәһбәри вә халгына өз сәмими саламларыны чатдырмасыны билдирәрәк, Русија Иранда баш верән сон һадисәләри диггәт вә һәссаслыгла изләдикләрини, еләҹә Иранын дахилиндә баш верәнләри рәнҝли ингилаба бәнзәдәрәк әлавә етди: Биз там олараг баша дүшүрүк ки, узун мүддәтли гејри-гануни санксијалар сәбәбиндән Иранда игтисади вә сосиал чәтинликләр јараныб, лакин гарышыглыг вә иғтишашларын динҹ аксијаларла һеч бир әлагәси јохдур.
Русија президенти еләҹә хариҹдән һимајәт олунараг һөкумәт идарәләринә, иҹтимаи, дини објектләрин дағыдылмасы вә асајиш кешикчиләринә һүҹумлары тәнгид едәрәк дејиб:
Иран халгынын милјонлуг јүрүшү, систем, Рәһбәрлик вә өз һөкумәтләридән һимајәтин ҝөстәриҹисидир.
Үмид едирик ки, Иран һөкумәтинин игтисади саһәдәки тәдбирләри нәтиҹәсиндә игтисади инкишафын шаһиди олаг вә ејни заманда бизим бејнәлхалг аренада Иранын вәзијјәтинин јахшылашдырылмасы вә ҝәрҝинликләрин азалдылмасы үчүн дипломатик сәјләримизи давам етдирәк.
Sizin rəyiniz