Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Гум Әһалисинин һәзрәти Имам Хомејнинин (ридвануллаһи әлејһ) һимајәсинә галхараг, Һиҹри Шәмси тәгвими илә 1356-ҹы ил, 19 Деј тарихиндә јашадыглары ,Ганлы Гијамынын илдөнүмү мүнасибәти илә һәр ил олдуғу кими бу ил дә минләрлә Гум Әһалиси өтән ҝүн, сәһәр, Теһранда, Имам Хомејни (ридвануллаһи әлејһ) адына Һүсејнијјәдә Ислам Ингилабынын Али Рәһбәри, Һәзрәти Ајәтуллаһ Сејјид Әли Хаменеи ҹәнаблары илә ҝөрүш кечирибләр.
Имам Хаменеи һәзрәтләри чыхышынын бир һиссәсиндә белә бујурмушлар: “Өтән ҝеҹә (Ҹүмә Ахшамы ҝеҹәси), бир овуҹ тәхрибатчы вә иғтишашчы өз өлкәсинә аид олан бинаны хараб етмишләр ки, Америка Бирләшмиш Штатларынын президентини севиндирсинләр. Чүнки о, -һеч бир әлагәси олмајан бир сөз – демишдир ки, әҝәр Иран дөвләти нәсә едәрсә мән ҝәлиб сизин тәрәфинизи тутаҹағам, бу тәрәф, өлкәјә зәрәр јетирәнләр вә иғтишашчылардыр. Бунларын да үрәкләри онун сөзләринә ҝөрә гүввәт тапыб.”
Ислам Ингилабынын Али Рәһбәри әлавә едибләр: “Әҝәр о (админ: јәни пасдыбаш Трамп) баҹарырса өз өлкәсини идарә етсин. Өз өлкәсиндә мүхтәлиф һадисәләр баш вермәкдәдир. Онун әли минләрлә иранлынын ганына булашмышдыр. Он ики ҝүнлүк мүһарибәдә ҝенералларымыздан, алимләримиздән әлавә миндән чох һәмвәтәнлимизи шәһадәтә јетдиләр.”
Һәзрәти Ајәтуллаһ Хаменеи даһа сонра билдирибләр: “Бу шәхс (јәни Трамп) деди ки, мән фәрман вермишәм, мән мүһарибәдә команданлыг едирдим, демәли етираф едир ки, әли иранлыларын ганына булашыб, сонра да дејир ки, мән Иран Халгынын тәрәфдарыјам. Бир овуҹ тәҹрүбәсиз, диггәтсиз адам дүшүнмәдән онун сөзләринә инанырлар вә гәбул едирләр вә онун мејлинә ујғун әмәл едирләр. Зибил гутуларыны јандырырлар ки, о (јәни Трамп) хошһал олсун.”
Үмүдүнја Мүсәлманларынын Али Лидери даһа сонра вурғулајыблар: “Һамы билмәлидир, Ислам Ҹүмһуријјәти јүз миндән чох шәрәфли инсанларын төкүлмүш ганы баһасына һакимијјәтә ҝәлиб вә тәхрибатчылар мүгабилиндә һеч вахт ҝери чәкилмијәҹәк, јабанчыларын муздурларына дөзмәјәҹәкдир. Сиз һәр ким олурсанса ол, әҝәр јабанчыларын муздуру олдунса, јабанчы үчүн ишләдинсә, халг сәни рәдд едәҹәк, Ислам Һакимијјәти дә сәни рәдд едәҹәк.”
Имам Хаменеи һәзрәтләри сонра бујурублар: “О, баба (јәни Трамп) ки, гүрур вә нохудла орда әјләшиб бүтүн дүнја барәсиндә гәзавәт јүрүдүр о да билмәлидир ки, адәтән Фирон, Нәмруд, Рзахан, Муһәммәд Рза вә онулар кими дүнјанын истибдадчы инсанлары вә тәкәббүрлүләри гүрур вә тәкәббүрлүјүн там гүлләсиндә олдуглары заман мәһв олмушлар, бу да мәһв олаҹагдыр.”
Сонда Әзиз Рәһбәр, бујурублар: “Әзиз ҹаванлар, дининизи, сијаси фикирләринизи, даим мејданда олмағынызы, һазырлығынызы вә ҹиддијјәтинизи өлкәнин тәрәгги вә инкишаф уғрунда һифз един вә вәһдәтинизи горујун. Халг бирликдә бүтүн дүшмәнлрә галиб ҝәләҹәк.”
Sizin rəyiniz