Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Сон бир нечә ҝүн әрзиндә Халгын сосиал проблемләрә гануни етиразларындан суистифадә едән сионист вә империалист гүввәләрин әлалтылары олан ҹинајәткар, террорчу иғтишашчылар, Гурани Кәримә, Әһли-Бејтә (әлејһимус сәлам), Вәлијји Фәгиһ Зати Алиләринә вә Ислам Һакимијјәтинә гаршы тәһгирләр вә јаланлар сәсләндирәрәк, дөвләт әмлакларына, дини абидәләрә, вә мүлки шәхсләрин әмлакларына од вуруб јандырараг күлли мигдарда зәрәрләр јетирмиш, ејни заманда дөвләт мәмурларыны вә мүлки шәхсләри амансызҹасына гәтлә јетирмишләр. Бу ҹинајәт вә террор һадисәләринин ардынҹа Ислами Иранын даим сәһнәдә олан Гејрәтли Халгы, о ҹүмләдән шәһид аиләләри Аллаһын (әззә вә ҹәлл), Гурани Кәримин, Әһли-Бејтин (әлејһимус сәлам), Вәлијји Фәгиһ һәзрәти Имам Хаменеи ҹәнабларынын вә Ислам Һакимијјәтинин мүдафиәсинә галхараг, бүтүн Иран бојунҹа шәһәр вә гәсәбәләрдә хијабанлара чыхараг АБШ вә сионист режиминә вә Инҝилтәрәјә гаршы шүарлар сәсләндирирләр.
Ислами Тәблиғатын Әлагәләндирмә Шурасы да өз нөвбәсиндә бүтүн Иран Халгыны бу јүрүшләрдә даһа актив иштирак етмәјә дәвәт етмишдир.
Гејд едәк ки, артыг бир нечә ҝүндүр ки, Иранын Ингилабчы Халгы зөһр вә шам намазларындан сонра Ислам Ҹүмһуријјәтинә дәстәк олараг хијабанларда јүрүшләр кечирирләр.
Sizin rəyiniz