Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда бәзи мәмурларын ермәниләрлә, һәтта Ермәнистанла әлагәләр гурдуғуна даир иддиалар һәлә хејли әввәлдән вар. Һәтта вәзифә башында ермәни әсилли гадынларла евли олан јүксәк чинли мәмурларын олдуғу да дејилир. Лакин индијә гәдәр рәсми гурумлар буну тәсдигләмирләр. Һәтта исбата ҝәрәји олмајан һаллары белә.
Амма ермәниләрлә ҹидди иш бирлији ичиндә олан даһа бир мәмурун ады үзә чыхыб. Мәлум олуб ки, Кәнд Тәсәррүфаты назири Һејдәр Әсәдовун да дүшмән халгын нүмајәндәләри илә сых әлагәләри вармыш. Белә ки, назир Азәрбајҹанда һејванлар үчүн бүдҹә пуллары һесабына алынан ваксинләри «Мегавет» ширкәти васитәси илә реализә едирмиш. Бу ширкәтин оффшор ширкәтләр сырасында олдуғу исә тәсдигә еһтијаҹы олмајан мәлуматлардандыр. Лакин мәсәләнин илҝинҹ тәрәфи одур ки, Һејдәр Әсәдовун ваксин алдығы ширкәтин башында ермәни дајанырмыш.
Политика.Аз-ын дәгигләшдирмәләринә ҝөрә, назирин әмәкдашлыг етдији «Мегавет» ширкәтинин рәһбәри Гор Рафаелович Хечојандыр. Хечојанын Бакыја ҝәлиб-ҝедән нүмајәндәси исә ҝүрҹүдүр. Пата Субзивадзе јерли бизнесменләрдән фәргли олараг, ҝәтирдији маллара ҝөрә ӘДВ өдәмәкдән азад едилиб. Сәбәб исә «обналичка» әмәлијјатлары үзрә пулларын һәҹмини даһа артырмагдыр.
Һејдәр Әсәдовун гаранлыг ишләри бунунла да јекунлашмыр. Онун ән етибарлы адамларындан бири олан, һазырда назирликдә Кәнд Тәсәррүфаты Лајиһәләри вә Кредитләринин Идарә Едилмәси үзрә Дөвләт Хидмәтинин рәис мүавини Аббас Гараҹајев исә фермерләрә ајрылмыш кредитләри өзүнкүләшдирмәјә наил олуб. Белә ки, Гараҹајев фермерләр үчүн ајрылмыш пуллары банклара јерләшдириб, онлардан әманәтчи кими фаизләр алыр.
Билдирәк ки, бунунла бағлы әлимиздә ҹидди фактлар вар вә орталыгда онун әлјазмасы олан сәнәдләр мөвҹуддур. Һәмин сәнәдләрдә ашкар шәкилдә һансы банкларда нә гәдәр пулун олдуғу, ајлыг вә иллик нә гәдәр фаизләр алындығы гејд олунуб. Бунунла бағлы ҝениш јазымыз олаҹаг.
КТН рәһбәри һәтта Дүнја Банкына да кәләк ҝәлмәјә башлајыб. Белә ки, банкын лајиһәси әсасында ајрылмыш малијјә вәсаитләријлә РЕВ 1 ваксинләри алынмалыдыр. Лакин назирлик ваксинләрин сатыналмасы үзрә кечирилән бејнәлхалг тендердә ҹидди ганунсузлуглар едиб.
Гејд едәк ки, бунунла да бағлы мараглы арашдырма апармышыг вә јахын ҝүнләрдә охуҹулара тәгдим едәҹәјик.
Диггәт: Хәбәрдән истифадә етдикдә мәнбәјә истинад лазымдыр
_5727594de9fd3_572b3b6f533a6.jpg)
